Црна хроника
Двајца возачи се здобиле со тешки повреди во сообраќајни несреќи
Две возила вчера излетале од патот во одделни сообраќајни несреќи, при што возачите се здобиле со тешки телесни повреди.
Едната од сообраќајните несреќи се случила на магистралниот пат Градско – Прилеп, кога од патот излетало возило од марката „фолксваген шаран“, управувано од шеесетгодишниот Љ.А. од Битола. Од незгодата возачот се здобил со тешки телесни повреди констатирани од страна на лекар од Општата болница во Прилеп, по што бил пренесен во комплексот клиники „Мајка Тереза“ во Скопје.
До втората сообраќајна несреќа дошло на магистралниот пат Охрид-Кичево, кај селото Издеглавје, пришто патничко моторно возило „фиат“ управувано од Р.А. (58) од Гостивар, излетало од патот. Во незгодата со тешки телесни повреди се здобил возачот кој бил пренесен во Општата болница во Охрид и истиот бил во животна опасност.
Во двата случаи на местото на настанот извршен бил увид од страна на увидна екипа од полициската станица Охрид. Се работи на целосно расчистување на случаите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.
Црна хроника
Претрес во Битола, приведен дилер
Вчера во 11.00 часот во Битола, полициски слушбеници од Одделението за криминалистичка полиција при СВР Битола го лишиле лицето 48-годишниот Г.Н. од Битола, извести МВР.
„При претрс во неговиот дом, извршен со судска наредба, биле пронајдени и одземени прашкаста материја, ампули апаурин и ампули диазепам“, велат од МВР.
Лицето било задржано во полициска станица и целосно документирање на случајот против него ќе биде поднесена соодветна пријава.