Победата на Арсенал над Реал Мадрид (3:0) во првиот четвртфинален натпревар во Лигата на шампионите на Англија и обезбеди уште еден тим во елитното натпреварување за следната сезона.

На англиските клубови им беше потребна само една победа во кое било од трите меѓународни клупски натпреварувања под покровителство на Европската фудбалска унија (УЕФА) за да го обезбедат петтиот претставник во Лигата на шампионите за следната сезона преку коефициентот на УЕФА, објави Би-Би-Си.

Англија следната сезона би можела да има дури седум претставници во Лигата на шампионите.

Ова би се случило доколку Астон Вила ја освои Лигата на шампионите оваа сезона, а не успее да обезбеди пласман преку Премиер лигата и доколку Манчестер Јунајтед или Тотенхем ја освојат Лига Европа.

Астон Вила е седма на табелата во Премиер лигата, а во четвртфиналето од Лигата на шампионите игра против Пари Сен Жермен.

Манчестер Јунајтед игра против Лион во двомечот од четвртфиналето на Лига Европа, додека ривал на Тотенхем е Ајнтрахт Франкфурт.

Ливерпул, Арсенал, Нотингем Форест, Челзи и Њукасл моментално се на првите пет места на табелата во Премиер лигата.

Оклахома Сити Тандер во ноќта зад нас ги совлада Лос Анџелес Лејкерс со 136:120. Тандер им се реваншираа на Лејкерси за убедливиот пораз пред само два дена.

Оклахома Сити Тандер победија со двоцифрена победа по 51-ви пат во сезоната, со што стана најдобар тим во историјата на кошарката. Тие ги надминаа претходните рекордери, Лос Анџелес Лејкерс од сезоната 1971/72.

Прашање е како ќе завршеше натпреварот доколку на 7:40 пред крајот не беше исклучен еден од најдобрите играчи на лејкерси, Лука Дончиќ. По одлична соло акција, Дончиќ погоди преку Ајзеа Хартенштајн за предност на Лејкерси 108:107. Тој ги прослави поените извици кон десниот агол на теренот.

На тоа веднаш реагираше судијата и му досуди техничка грешка на Дончиќ. Со оглед на тоа дека тоа му беше втора, тој беше исклучен. Американците пишуваат дека судијата погрешно го разбрал Дончиќ. Мислел дека тоа е насочено кон него, но ѕвездата на Лејкерси всушност му се обратил на навивач на Оклахома кој претходно го навредувал.

Luka Doncic gets ejected in a 1-point game with 7 mins left in the 4th.

The Lakers are now down by 15 with 1:47 to go. pic.twitter.com/KtK8Kpy381

— NBA Memes (@NBAMemes) April 9, 2025

Лејкерси потонаа по исклучувањето на Дончиќ, кој до тој момент постигна 23 поени (7/15 гол од поле). Ниту Леброн Џејмс и неговите 28 поени и седум скока, ниту Остин Ривс со 25 поени и пет скока и асистенции не можеа да го спречат поразот.

Шеј Гилџис-Александер ги предводеше домаќините до победата со 42 поени (14/26 од поле и 5/9 за тројки) и шест скока и асистенции. Џејлен Вилијамс постигна 26 поени.

Со оваа победа Оклахома стигна до рекорд од 65-14 и го има најдобриот учинок во целата НБА, што значи предност на домашен терен во текот на целиот плеј-оф.

Тандер имаат две победи повеќе од Кливленд Кавалирс на три натпревари до крајот на сезоната.

Ова е рекордна сезона за Оклахома бидејќи тие ќе ги надминат нивните претходници Сиетл Суперсоникс кои имаа рекордни 64-18 во сезоната 1995/96.

Фудбалерите на Арсенал одиграа перфектен натпревар против Реал, славеа со 3:0 и стекнаа речиси недостиѓна предност пред четвртфиналниот реванш во Мадрид.

По првото полувреме во кое немаше голови, избраниците на Микел Артета постигнаа три гола во вториот дел, а се истакна Деклан Рајс, кој постигна два гола од слободни удари. Конечниот резултат го постави Микел Мерино.

Тренерот на Реал, Карло Анчелоти во краткото интервју за „Movistar“ ги коментираше шансите за пресврт.

„Многу пати сме правеле пресврти и сега мораме да го направиме тоа повторно. Комплицирано е, но мораме да се обидеме од првата до последната минута. Во текот на еден час тимот беше добар, а потоа скапо ги плативме двата гола од слободни удари. Ментално не бевме добри на крајот од натпреварот“, рече тој и додаде: „Ова е доста тежок пораз. Имаше интензитет, додека не го постигнаа вториот гол“.

По средбата, Џуд Белингам се истакна со своите критички коментари. Англискиот играч од средниот ред призна дека Арсенал е подобриот тим и рече дека Реал може да биде среќен што прими само три гола: „Имавме среќа што примивме само три. Сепак, ако некој тим може да се врати после ова, тоа е Реал. Сега ни треба совршена, магична ноќ во Мадрид“.