Свет
Песков: Можен е состанок меѓу Путин и Ким Џонг-ун
Портпаролот на Кремљ, Дмитриј Песков, изјави дека изминатиов период било разговарано за одржување на средба меѓу рускиот претседател и севернокорејскиот лидер, Ким Џонг-ун.
„Да, може да има средба, а модалитетите и времето ќе бидат договорени преку дипломатски канали“, изјавил Песков, а пренесе „Тас“.
На прашањето дали постои опција состанокот да се одржи во Пекинг, Песков рече дека за тоа не се дискутирало.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Словенија ја започна процедурата за признавање на Палестина
Министерката за надворешни работи на Словенија, Тања Фајон, изјави дека словенечката влада ја започнала процедурата за „признавање на независната, суверена држава Палестина“.
По состанокот на владата, таа изрази надеж дека признавањето ќе се случи што е можно поскоро и дека целта на тој потег не е само симболична, туку и да се смири ситуацијата во Газа, пренесува СТА.
Фајон објасни дека одлуката на словенечката влада се заснова на границите меѓу Израел и Палестина од 1967 година, што значи дека територијата на Палестина би ги опфаќала Појасот Газа, Западниот Брег и Источен Ерусалим.
Регион
Кси Џинпинг му подари скулптури на Вучиќ кои го симболизираат кинеско-српското пријателство
За време на официјалната посета на Белград, кинескиот претседател Кси Џинпинг на српскиот претседател Александар Вучиќ му подари скулптури на Небесниот храм во Пекинг и Храмот на Свети Сава изработени од челик.
Фотографија на Кси Џинпинг и Вучиќ во присуство на нивните сопруги кои ги гледаат подароците беше објавена на интернет од страна на помошничката министерка за надворешни работи на Кина, Хуа Чунјинг, а пренесена од Спутник.
President Xi gifted President Vučić sculptures made of steel produced by the HBIS Smederevo steel plant. pic.twitter.com/66Mh5cae5v
— Hua Chunying 华春莹 (@SpokespersonCHN) May 9, 2024
Таа во најавата наведе дека на скулптурите се претставени небесниот храм во Пекинг и храмот Свети Сава во Белград, кои го симболизираат кинеско-српското пријателство.
Свет
Ердоган по повод Денот на Европа: Односот на некои земји кон кризата во Газа ја разниша вербата во европските вредности
Претседателот на Турција, Реџеп Таип Ердоган, објави порака по повод Денот на Европа, во која посочи дека политиката што ја спроведуваат некои европски институции и земји во контекст на кризата во Газа ја разнишаа вербата во европските вредности.
Ердоган изјави дека 9 мај, кога беше објавена декларацијата на Шуман, со која беа поставени темелите на европската интеграција, во Турција се доживува како Ден на Европа од 1999 година кога Анкара го доби статусот на кандидат за членство во Европската Унија.
„Денот на Европа, 9 Мај, не само што го означува почетокот на политичкото и економското единство на Европа туку ги означува и мирот и стабилноста, кои се плод на децениските заеднички напори“, посочи тој.