Европа
Пронајдени дивите животни за кои се сметаше дека побегнале од зоолошка во Германија
![](https://makfax.com.mk/wp-content/uploads/2018/06/dva-lava.png)
Дивите животни за кои се сметаше дека побегнале од зоолошка градина во западниот дел на Германија, меѓу кои два лава, два тигри и јагуар, всушност, воопшто не ги напуштиле своите живеалишта, а на чуварите им исчезнале од вид поради поплавите предизвикани од неодамнешното невреме, изјавил локалниот градоначалник.
Портпаролот на областа Битбург-Пруем претходно рече дека животните избегале од зоолошката градина Ајфел во општината Луенбах.
Андреас Крупер, градоначалник на блискиот Арцфелд, подоцна објасни дека покрај се ниту едно животно освен, една мечка, не побегнало од своето живеалиште. Мечката била застрелана на патеката за посетителите во зоолошката градина.
Конфузијата била предизвикана по невремето проследено со поројни дождови, кои ја преполниле реката Пруем, што тече долж оградата на зоолошката градина и ги поплавила живеалиштата на дивите мачки. Светските медиуми јавија за бегство на опасните животни.
Крупер рече дека по поплавите во вечерните часови, локалните власти ги пребарувале живеалиштата со помош на дрон, но не ги пронашле животните. Неколку часа подоцна кога водата се повлекла, животните биле пронајдени.
Сепак, мечката успеала да побегне, бидејќи дел од оградата околу нејзиното живеалиште бил уништен од поплавата.
Додека се мислело дека повеќе животни се на слобода, властите ги советувале жителите на Луенбах да останат во своите домови и да ја информираат полицијата доколку забележат некое од животните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Столтенберг: НАТО беше однапред информиран за одењето на Орбан во Москва
![](https://makfax.com.mk/wp-content/uploads/2024/06/stoltenberg.jpg)
Генералниот секретар на НАТО, Јенс Столтенберг, денеска изјави дека алијансата била однапред информирана за заминувањето на унгарскиот премиер, Виктор Орбан, во Москва на разговори со рускиот претседател, Владимир Путин.
Столтенберг на самитот на НАТО истакна дека Орбан патува во својство на премиер на Унгарија и дека нема да го претставува НАТО, чиј член е Унгарија, во Москва, пренесува „Ројтерс“. Орбан рано денеска пристигна во Москва и по пристигнувањето рече дека со оваа посета ја продолжува мировната мисија откако неодамна го посети Киев, каде што разговараше со украинскиот претседател, Володимир Зеленски.
Столтенберг рече и дека НАТО работи на подготовка на Украина за приклучување кон алијансата.
„Сè што правиме, правиме за да ја направиме Украина посилна и поподготвена да се приклучи на нашиот сојуз“, рече тој додавајќи дека очекува земјите членки да обезбедат повеќе воздушна одбрана и муниција на Украина.
Столтенберг додаде дека Украина треба да одлучи, кои се прифатливите услови за мировни преговори. Од друга страна, според него, нема индиции дека Путин е подготвен за мир.
Европа
Кир Стармер официјално назначен за нов премиер на Обединетото Кралство
![](https://makfax.com.mk/wp-content/uploads/2024/07/Screenshot-2024-07-05-141137.jpg)
Британскиот крал Чарлс денеска му го довери мандатот за формирање на новата влада на Велика Британија на лидерот на Лабуристичката партија, Кир Стармер, по убедливата победа на неговата партија на парламентарните избори.
Назначувањето на Стармер за премиер беше потврдено од Бакингемската палата.
„Кралот го прими уважениот Кир Стармер и побара од него да формира нова влада. Стармер ја прифати понудата“, соопшти Бакингемската палата, пренесува „Гардијан“.
По Бакингемската палата, Стармер се упати кон Даунинг стрит, каде што се наоѓа седиштето на британската влада. На општите избори во ОК, Лабуристичката партија освои 410 од 650 места во долниот дом, со што стави крај на 14-годишната влада предводена од конзервативците.
Претходно денеска, сега веќе поранешниот премиер Риши Сунак му поднесе оставка на кралот Чарлс.
Европа
Сопругата на шпанскиот премиер на суд под обвинение за корупција и вршење влијание
![](https://makfax.com.mk/wp-content/uploads/2024/07/begona-pedro-sancez.jpg)
Бегона Гомез, сопруга на шпанскиот премиер Педро Санчез, денеска се појави пред судот во Мадрид за да одговори на прашања поврзани со наводите за корупција и вршење влијание во случајот поради кој нејзиниот сопруг размислуваше да поднесе оставка во април.
Сослушувањето в петок е дел од прелиминарната истрага за тоа дали Гомез ја злоупотребила својата позиција како сопруга на премиерот за да влијае на своите деловни активности, соопшти судот пред сослушувањето.
Ниту Гомез ниту нејзиниот адвокат не разговараше со новинарите надвор од судницата пред Гомез да се појави зад затворени врати пред судијата, кој по неколку минути го одложи рочиштето за 19 јули.
Гомез јавно не го коментира случајот, но Санчез постојано остро ги отфрли обвинувањата против неговата сопруга велејќи дека тие се неосновани и оркестрирани од неговите десничарски политички ривали.