Регион
Харадинај: Косово ќе се согласи на помирување со Србија во замена за признавање
Косово ќе се согласи на помирување со Србија во замена за признавање на независноста на нашата држава, изјавил премиерот на Косово, Рамуш Харадинај, и додал дека тоа нема да значи дека сторените злосторства ќе бидат заборавени.
„Што може да даде Косово за договор за признавање. Може помирување, затоа што нема што друго да даде. Помирувањето не е мала работа, тоа значи да заборавиме на нашата болка за исчезнатите и убиените, на штетата, на жртвите на сексуално насилство, на уништената економија. Не велиме дека треба да заборавиме, тоа нема никогаш да го направиме, но можеме да се помириме, за признавање. Дали тоа ќе биде оваа година? Не можам да кажам“, рекол Харадинај.
Тој додал дека Косово оваа година ќе стане членка на меѓународната полициска организација Интерпол. Убеден е дека некои земји ќе бараат членство на Косово во оваа организација.
Харадинај, исто така, рекол дека зачленувањето на Косово во Обединетите нации е прашање кое треба многу брзо да се реши.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.