Регион
Мета бара Косово да го продолжи дијалогот со Србија
Албанскиот претседател Илир Мета на средбата со премиерот на Косово, Рамуш Харадинај, во Тирана побара Косово да го продолжи дијалогот со Србија.
„Продолжувањето на дијалогот на Косово со Србија и трасирањето на патот на Косово кон ЕУ-интеграциите се битни за стабилноста на регионот“, оцени албанскиот претседател по средбата. Исто така, тој на средбата со Харадинај побарал и потесна соработка на институциите во Косово и продолжување на активностите на Приштина за зголемување на бројот на држави за нејзино признавање.
Албанските медиуми јавуваат дека на средбата било оценето дека Албанија и Косово треба да ја зголемат економската соработка, како и соработката со културата, образованието и туризмот.
К. М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пет училишта во Сараево добија дојава за бомба: Во тек е евакуација и увид
Денеска во пет училишта во Сараево пристигнале дојави за подметнати бомби, потврди портпаролката на Министерството за внатрешни работи на кантонот Сараево, Мерсиха Новалиќ.
Како што пренесува сараевскиот портал Кликс, извештаите за поставени бомби стигнале до Високата музичка школа, Гимназијата Обала, Средното училиште за применета уметност и Електротехничкото училиште за енергетика.
Дополнително, пишува Кликс, читателите ги информирале дека дојава за бомба била поставена и во училишниот центар Маариф во Мојмил.
Полицијата во моментов е на терен. Во некои училишта се уште е во тек евакуацијата на персоналот и учениците.
Регион
Бугарија до своите граѓани: Веднаш напуштете го Иран
Бугарија денеска ги повика своите граѓани веднаш да го напуштат Иран поради ескалацијата на тензиите на Блискиот Исток, јавува „Анадолија“.
На Бугарите им се препорачува строго да ги следат безбедносните упатства на локалните власти, да бидат информирани за ситуацијата и да избегнуваат посета на воени локации и масовни собири“, се вели во соопштението на бугарското МНР.
Се препорачува бугарските државјани во Иран веднаш да стапат во контакт со бугарската амбасада во Техеран за да дадат детали за своето место на живеење и планираното времетраење на престојот или со јавување во Амбасадата или преку е-пошта до Генералниот конзулат во Техеран.
Регион
Земјотрес во БиХ
Земјотрес со јачина од 2,9 степени ја погоди денеска Босна и Херцеговина.
Епицентарот бил во близина на Мостар.
Засега не се знае дали е причинета материјална штета.