Регион
Прашањето за името Македонија не се решава на улица, смета поглаварот на Грчката православна црква
![](https://makfax.com.mk/wp-content/uploads/2018/06/ieronimos.jpg)
Поглаварот на Грчката православна црква, Јеронимос, рече дека проблемите, како што е прашањето за името со соседната држава, не се решаваат со протести.
Грчкиот архиепископ изјавил дека за разлика од протестите во Атина, одржани пред четири месеци, кои беа поддржани од страна на Грчката православна црква, неговиот сегашен став е дека толку важни прашања не се решaваат на улиците.
Наведувајќи дека положбата на Грчката православна црква е стабилна, Јеронимос рекол дека не е лесно да се даде име на една земја или, како што рекол, тоа да ѝ се позајми.
„Моите ставови се дека овие прашања не треба да бидат тема на протести затоа што се работи за одговорност преземена од страна на парламентот, а во него седат пратеници избрани од страна на народот“, изјавил Јеронимос за новинарите при посетата на еколошки центар за предучилишно образование.
Инаку, во повеќе од 20 грчки града за вечерва се најавени протести против досегашните предлози за име на Република Македонија. Протестите се закажани за 19.30 часот по локално време, а поради нив, македонското Министерство за надворешни работи ги предупреди граѓаните да избегнуваат патувања во Грција за да се избегне ескалација на ситуацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Турист пронајден мртов во Грција
![](https://makfax.com.mk/wp-content/uploads/2023/08/grcija-plaza.jpg)
Американски турист (55) денес бил пронајден мртов на грчкиот остров Матраки.
Раниот топлотен бран се совпадна со бранот на исчезнувања и смртни случаи на туристи.
„Постои заедничко нешто. Туристите кои починаа планинареа на високи температури“, изјави за Ројтерс, Петрос Василакис, портпарол на полицијата во Јужното Егејско Море.
Телото на британскиот ТВ водител Мајкл Мозли беше пронајдено на 9 јуни на островот Сими по четиридневна операција за пребарување со помош на авиони и дронови. Мозли наводно одел сам на високите температури пред да исчезне.
Полицијата не го откри идентитетот на Американецот чие тело во неделата беше пронајдено во близина на плажата во Матраки.
– Телото е префрлено на Крф каде ќе биде извршена обдукција – изјави полициски претставник за Ројтерс.
Друг турист, Холанѓанец, кој имаше 74 години, беше пронајден мртов на островот Самос во саботата, додека двајца планинари беа пронајдени безживотни на Крит на 5 јуни.
Спасувачките екипи трагаат по две постари Французинки на Сикинос и по американски полицаец (59) на Аморгос.
– Во тек се две операции за пребарување на други острови. Распоредени се спасувачки екипи и доброволци кои со помош на дрон и куче спасувач трагаат по исчезнати лица – изјави Василакис.
Регион
Топлотен бран на Балканот, во Албанија и Србија температурата надминува 40 степени
![](https://makfax.com.mk/wp-content/uploads/2024/07/toplo-vreme.jpg)
Нов топлотен бран го зафати Балканот во понеделникот, три недели откако претходниот бран предизвика прекин на електричната мрежа во неколку земји во регионот.
Во Албанија, каде што температурите надминуваат 40 Целзиусови степени, владата утринава предупреди дека „намерно или случајно предизвикување пожар“ се казнува со 15 години затвор.
Во Србија хидрометеоролошкиот институт РХМЗ денеска предупреди на силен топлотен бран прогнозирајќи дека ќе трае цела недела со температури до 40 степени и тропски ноќи во градските средини. Институтот прогласи портокалова тревога за добар дел од земјата.
Во Косово горештините се придружени со ветер и песок, а на граѓаните им се препорачува да не излегуваат на сонце.
„УВ-индексот ќе биде многу висок“, предупредија властите апелирајќи до возачите да бидат внимателни.
За време на претходниот топлотен бран, на 21 јуни, електричната мрежа се расипа во Црна Гора, Босна и Херцеговина, Хрватска и Албанија.
Регион
Хрватска повлекува морска сол од пазарот поради присуството на пластика
![](https://makfax.com.mk/wp-content/uploads/2024/07/Screenshot-2024-07-08-130327.jpg)
Државниот инспекторат на Хрватска ја повлече од пазарот јодираната морска сол произведена од Котањ поради идентификувани пластични честички настанати при мелењето сол.
Како што е наведено на веб-страницата на Хрватската агенција за земјоделство и храна, производот не е во согласност со Регулативата 178/2002 за воспоставување на општите принципи и услови на законот за храна, формирање на Европската агенција за безбедност на храна и воспоставување процедури во областа на безбедноста на храната.
Станува збор за морска сол од 92 грама, со рок на употреба до 4 јуни 2026 година, 4 јули 2026 година, 9 септември 2026 година, 17 октомври 2026 година и 18 декември 2026 година, објавено е на веб-страницата „Котањи“, пренесува „Н1“.