Свет
Претседателот Мун вети дека ќе ги пронајде изчезнатите тела од Корејската војна
Претседателот на Јужна Кореа Мун Јае-ин изјави дека планира да ги открие останките од војниците од Корејската војна и предложи дека доколку се подобрат односите со Северна Кореа, пребарувањето на труповите ќе може да продолжи и во демилитаризираната зона која ги дели двете земји.
Стотици илјади војници се останати неидентификувани од конфликтот кој заврши со примирје пред десетици години.
Околу 165 од исчезнатите војници дојдоа од Турција која тогаш беше една од првите земји кои се приклучија во војната на страната на Јужна Кореа откако земјата беше нападната од Северна Кореа на 25 јуни, 1950 година.
Турската бригада го поддржа конфликтот со 15.000 војници, а загуби околу 1.000, што претставуваше највисок број на смрт меѓу сојзузниците во војната, и со тоа си загарантира „братска“ врска со Јужна Кореа.
Мун, кој говореше на Денот на сеќавањето на загинатите војници, даде ветување дека ќе ги пронајде изчезнатите тела, неколку дена пред Самитот САД-Северна Кореа кој може да донесе мировен договор за Корејската војна.
„Кога ќе ги подобриме односите помеѓу Северна и Јужна Кореа, најпрвин ќе ја продолжиме потрагата за телата во Демилитаризираната зона. Исто така, ќе можеме да ги земеме и телата на загинатите од САД и другите странски земји кои учествуваа во оваа војна,“ изјави Мун за време на говорот.
„Ќе продолжиме да вложуваме напори во потрагата да ги најдеме телата на паднатите борци во Корејската војна до последно тело,“ додаде.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хеликоптерот со иранскиот претседател Ебрахим Раиси доживеа „тешко слетување“
Хеликоптерот со иранскиот претседател Ебрахим Раиси доживеа „тешко слетување“, објави иранската државна телевизија, без веднаш да даде детали.
Раиси отпатува во иранската провинција Источен Азербејџан. Државната телевизија соопшти дека инцидентот се случил во близина на Џолфа, град на границата со Азербејџан, на околу 600 километри северозападно од иранската престолнина Техеран, а спасувачите биле отежнати од силниот ветер и дождот.
Сè уште нема официјална информација за тоа во каква состојба е Раиси.
Раиси беше во Азербејџан во неделата рано наутро на отворањето на браната со претседателот на Азербејџан, Илхам Алиев.
Иранската државната новинска агенција ИРНА објави дека хеликоптерот „паднал во несреќа во општата област Варзеган“ во провинцијата Источен Азербејџан, а покрај Раиси, во хеликоптерот имало уште неколку официјални лица, меѓу кои и министерот за надворешни работи Хосеин Амир Абдолахиан.
Тешките временски услови и густата магла ги отежнаа напорите на спасувачките тимови, соопшти иранската државна телевизија.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.