Спорт
Федерер ќе носи „Уникло“
Легендарниот тенисер Роџер Федерер по повеќе од една деценија ќе ја прекине соработката со „Најки“ и во иднина ќе ја носи опремата на „Уникло“, објавија швајцарските медиуми.
Според овие извори, Федерер, веќе на Вимблдон ќе се појави во опремата на ово…


Легендарниот тенисер Роџер Федерер по повеќе од една деценија ќе ја прекине соработката со „Најки“ и во иднина ќе ја носи опремата на „Уникло“, објавија швајцарските медиуми.
Според овие извори, Федерер, веќе на Вимблдон ќе се појави во опремата на овој јапонски производител на спортска опрема.
„Уникло“ на голема врата во светот на спортот влезе со успешната соработка со српскиот тенисер Новак Ѓоковиќ.
Финансиските детали од договорот не се објавени, само се наведува дека „Уникло“ и Федерер ќе потпишат десет годишен договор.
Федерер од „Најки“ добиваше 10 милиони долари годишно и тоа беше еден од најголемите договори во светот на спортот.
Швајцарските медиуми тврдат дека неговиот договор со „Најки“ завршил на 1.март 2018 година.
Бидејќи Федерер во август оваа година ќе наполни 37 години, јасно е дека неговата соработка со „Уникло“ ќе продолжи и откако ќе ја заврши кариерата.
Швајцарецот, досега во кариерата, само од турнирските награди зарботил 116.222.182 милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.