Свет
Израелски специјалци ги обучуваат белите фармери во ЈАР за самоодбрана
Со растечкото насилство, да се биде бел фармер во Јужна Африка, стана опасна работа, пишува „Раша тудеј“. Некои од нив ангажираат поранешни израелски експерти за обука на специјалните сили за да ги научат самоодбрана.
Во периодот 2016-2017 година се случија 74 убиства и 638 напади првенствено на бели фармери, според групата за права на малцинствата „Афри форум“, според чии процени годинава ќе бидат убиени повеќе фармери отколку во изминатите три години“, неодамна напиша Јан Камерон од групата.
Ситуацијата ги принуди белите фармери да почнат да се подготвуваат за да преживеат евентуален напад. Некои му се обратија на Идан Аболник, поранешен припадник на израелските специјални сили, кој ги обучува за борба лице в лице и за ракување со оружје.
Системот за самоодбрана се нарекува „крав мага“, а бил развиен специјално за израелските одбранбени сили. Аболник ја донесе вештината во Јужна Африка.
„Часовите се отворени за секого и секој што сака специјално дизајниран систем за земјоделците. Ние ги обучуваме да се справат со разни напади. Програмата чини околу 1.500 долари за лице за интензивен двонеделен курс“, изјави Аболник за телевизискиот канал „Њуз 24“ во Јужна Африка.
Белите фармери, и покрај тоа што се малцинство во Јужна Африка, поседуваат 72 отсто од фармите во земјата. Новата влада на Јужна Африка неодамна објави план за редистрибуирање на земјиштето на црното население. Критичарите предупредија дека Јужна Африка може да го повтори катастрофалниот експеримент од страна на владата на Зимбабве во 1999-2000 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.