Црна хроника
Двајца тинејџери ограбиле пет куќи
СВР Скопје до надлежното обинителство поднесе кривична пријава против лицата А.Ј.(18) од Скопје и М.К.(19) од Куманово поради основано сомнение дека извршиле пет кривични дела „тешкa кражбa“ во куќи.
СВР Скопје до надлежното обинителство поднесе кривична пријава против лицата А.Ј.(18) од Скопје и М.К.(19) од Куманово поради основано сомнение дека извршиле пет кривични дела „тешкa кражбa“ во куќи.
Од страна на судија во претходна постапка на А.Ј. му е одредена мерка притвор во траење од осум дена, додека М.К. во моментот е недостапен на органите на прогонот.
Имено, кривичните дела пријавените ги извршиле во временскиот период од 16.11.2014 до 02.12.2014 година (сите во Чаир), претежно во попладневните и вечерните часови кога сопствениците не биле присутни во своите домови.
Во три случаи со помош на подесен алат и физичка сила пријавените ги отворале влезните и балконските врати, а во два случаи со погоден предмет насилно делувале помеѓу крилото и касата на прозорец, по што влегувале во куќите, и по извршено претурање и пребарување одземале разни видови на вредни предмети како што се: компјутери, златен и сребрен накит, бижутерија, часовници, пари, гарнитура со алати како и еден сигнален пиштол марка „Екол“, стекнувајќи се со противправна имотна корист од околу 376.200 денари.
Дел од противправно одземените предмети пријавените ги чувале во стан во Скопје каде привремено престојувал првопријавениот, додека пак друг дел од предметите (златен накит), со пониски цени, го продале во златарски дуќан лоциран во Старата Скопска чаршија, а добиените пари од продажбата на истиот ги потрошиле за свои потреби (купување дрога, алхохол, гардероба и трошоци за такси услуги).
На 05.12.2014 година врз основа на добиена судска наредба извршен е претрес во станот каде престојувал првопријавениот при што пронајдени и одземени се сигнален приштол, накит, кутии за накит, рачни часовници, мобилни телефонски апарати и други предмети.
По превземени мерки и активности од страна на СВР Скопје, на 10.12.2014 година, пронајден е и приведен пријавениот А.Ј. кој во службен разговор во целост ги појасни локациите и начинот на извршување на наведените кривични дела како и златарата каде се продадени предметите. Од друга страна, во просториите на ПС ОН „Чаир“ од страна на оштетените извршено е препознавање на пронајдените и одземени предмети и истите со потврда им се вратени.
Пријавените лица се регистрирани сторители на кривични дела од областа на имотните деликти при што, против А.Ј. во периодот од 2010-2014 година поднесени се 10 кривични пријави за “кражби” и “тешки кражби”, а против М.К. во периодот од 2010-2014 година, од страна на СВР Скопје поднесени се 15 кривични пријави за “тешки кражби”. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Три лица, меѓу кои и полицаец, осомничени за разбојништво и противправно лишување од слобода
Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода согласно член 140 став 5 од Кривичниот законик.
Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.
Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.
Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.
Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.
Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода.
Топ
Уапсени крадци на автомобили – ги расклопувале за делови
Единицата за внатрешни работи Центар и Бит Пазар при СВР Скопје поднесе кривична пријава против Ш.Н.(68) од Липково, поради постоење основи на сомнение за сторени 4 кривични дела „одземање на моторно возило“, од кои три на подрачјето на скопски Центар и едно на подрачјето на општина Аеродром, како и против Ф.Љ.(22) од Скопје, поради постоење основи на сомнение за сторено кривични дело „помагање“.
Имено, првопријавениот кривичните дела ги извршил во последните два месеца, така што со употреба на физичка сила и погоден алат ги отворал бравите од возилата, ги одземал возилата и ги предавал на второпријавениот, каде што возилата биле расклопувани и продавани за делови.
Полициски службеници со судска наредба извршиле претрес на локација, сопственост на Ф.Љ., каде биле пронајдени поголема количина делови од возила кои потекнуваат од кривичните дела. Известен бил Јавен обвинител, а од страна на Судија на претходна постапка на Ш.Н. му е одредена мерка притвор.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.