Македонија
Доктори од Универзитетската клиника во Франкфурт ќе ги обучуваат македонските кардиохирурзи
Делегација на Владата составена од министрите за здравство, за финансии и за економија, Венко Филипче, Драган Тевдовски и Крешник Бектеши, а предводена од вицепремиерот Кочо Анѓушев, во Франкфурт оствари средба со тим доктори и професори од Универзитетската клиника „Јохан Волфганг Гете“.
Како што информираат од владината прес-служба, министрите и професорите од клиниката разговарале за можностите за продлабочување на соработката, особено во областа на кардиохирургијата и кардиологијата.
Потенцирајќи дека голем дел од пациентите од Република Македонија за посложени интервенции сè уште се препраќаат на лекување во странство, министерот за здравство, Филипче, истакнал дека на тој начин и пациентите непотребно се измачуваат, а од друга страна, докторите не учат нови и модерни кардиохируршки техники.
„Со официјализирање на соработката со Универзитетската клиника “Јохан Волфганг Гете“ за пациентите ќе овозможиме неопходните кардиохируршки интервенции да ги добиваат на Клиниката за кардиохирургија во Скопје. Процедурите ќе ги изведуваат нашите доктори заедно со кардиохирурзите од Универзитетската клиника во Франкфурт. На тој начин специјалистите кардиохирурзи ќе се дообучуваат и во Македонија ќе добиеме врвни експерти од оваа област“, истакнал Филипче.
Исто така, на денешната средба се разгледувала и можноста доктори од здравствените установи во Македонија повремено да доаѓаат на краткорочни и долгорочни доедукации на клиниката во Франкфурт, Германија.
Професорот Томас Валтер, кој 25 години работи како кардиохирург и е директор на одделот за кардиохирургија во болницата во Франкфурт, истакна дека особено е значајна соработката меѓу докторите од разни земји. Тоа, како што рече, е одлична можност да се разменат искуства и идеи во одредена област. Придобивката, истакна тој, секако е најголема за пациентите.
„Мора да работиме заедно, а не самостојно. Секоја интервенција бара тим од лекари. А тимот може да биде составен од лекари од нашата клиника и вашата клиника за кардиохирургија во Скопје“, додаде професорот Валтер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Германските стопанственици гледаат огромен потенцијал во Владата, очекуваат да се реализираат големи инвестиции
Продуктивен состанок, ефикасна и надежна дискусија е впечатокот на претседателот на Владата на Република Северна Македонија Христијан Мицкоски и на претставниците од Стопанска комора на Германија (OA-Ost-Ausschuss der Deutschen Wirtschaft) која се одржа во Берлин. На состанокот се промовираа инвестициските можности и капацитети во државата, а странски компании изразиле интерес за нови инвестиции во државата.
„Можам да кажам дека имавме многу отворен, искрен и продуктивен состанок со претставниците на германската Стопанска комора делот којшто е одговорен за Источна и Југоисточна Европа. Голем дел од компаниите коишто беа присутни на овој состанок се веќе присутни со свои производни погони кај нас. Имаше и такви компании коишто недвосмислено изразија желба да инвестираат кај нас и да бидат присутни на македонскиот пазар. Нормално, разменивме детали за понатамошен контакт и мислам дека многу скоро денеска ќе бидеме посетени, ќе ги отвориме преговорите за можно нивно инвестирање. Наша цел како Влада уште од самиот почеток беше подготвување на инвестициската клима и зголемување на инвестициската активност на компаниите не само домашните и странските исто така. Мислам дека во Германија ова е исклучителна голема можност, имајќи предвид дека нашата трговска размена надминува повеќе од пет милијарди евра. Илјадници наши граѓани работат во компаниите каде што се сопственици германски инвеститори и ние како Влада имаме и обврска но и одговорност да продолжиме со промоција на најголемата би рекол европска економска сила. Промоција на инвестициските можности и капацитети, денеска тоа го направивме во неколку области како што услугите, туризмот, енергетиката, производството итн. и мислам дека имавме исклучително позитивен состанок и мислам дека по овој состанок, да бидам попрецизен, сигурен сум ќе имаме уште неколку нови инвеститори во периодот којшто следи“, изјави премиерот Мицкоски.
Дел од претставниците на германската стопанска комора посочија дека очекуваат да ги зголемат нивните капацитети во нашата држава.
Македонија
Регистриран земјотрес во Македонија
Попладнево е регистриран земјотрес во Македонија со јачина 2,4 степени според Рихтер.
Епицентарот е на 13 км североисточно од Демир Капија.
ДЛабочината на земјотресот е 5 километри.
Македонија
Во ЗОО Скопје угина лавот Жика на 16-годишна возраст
Скопската Зоолошката градина соопшти дека починал лавот Жика на 16-годишна возраст.
Лавот изминатата година имал тумороидни израстоци по што во февруари му биле извршени хируршки интервенции но изминатите два дена неговата состојба се влошила.
– Лавовите во природа живеат од 10 до 14 години, а нашиот Жика имаше 16. Лавот Жика со оглед на длабоката старост, изминатата година почна да развива тумороидни израстоци на повеќе места на телото, за кои што во февруари со целосен тим на професори и ветеринари од Факултетот за ветеринарна медицина беа извршени хируршки интеревенции и истите беа отстранети, но изминатите два дена состојбата се влоши и веднаш беше реагирано од страна на тимот на ЗОО Скопје, заедно со тимот на ветеринари од Факултетот за ветеринарна медицина. Сите заедно направивме се што можевме, лавот примаше терапија, но за жал не издржа. Секогаш грациозен, со својата величенствена грива го привлекуваше вниманието на сите посетители. Го сакаа и децата и возрасните, а најмногу вработените. Ова е голема загуба за сите нас, стои во објавата на Фејсбук.
Жика беше дојден од Зоолошката градина во Белград.