Црна хроника
За време на викендот 18 лица се повредени во 16 сообраќајни незгоди
Во текот на изминатиот викенд на подрачјето на Секторот за внатрешни работи Скопје се случиле 16 сообраќајни незгоди од кои една со тешки телесни повреди, девет со лесни телесни повреди и шест со материјална штета. Во сообраќајните незгоди едно лице добило тешки телесни повреди, а 17 лица лесни телесни повреди.
Од преземените мерки и активности констатирано е дека 134 возачи управувале возила со брзина поголема од дозволената. Од сообраќај се исклучени 113 возачи, од кои: 52 возачи поради тоа што управувале моторно возило под дејство на алкохол, 50 возачи управувале возила без да стекнат право за управување моторно возило, 10 возачи затоа што биле возачи почетници и еден возач поради други сообраќајни прекршоци. Исто така, исклучени од сообраќај се и 33 возила поради истечена важност на сообраќајната дозвола. Во текот на изминатиот ден издадени се 395 мандатни платни налози, а 12 возила се подигнати со специјалното возило „пајак“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Следел женско лице а од канцеларијата и го украл и мобилниот телефон: кривична за маж од Дебар
ОВР Дебар поднесе кривична пријава против У.Ф.(63) од Дебар.
Toj се сомничи за сторени кривични дела „кражба“ и „демнење“.
63-годишниот маж извесно време следел женско лице од Дебар, а на 07.05.2024 од работната канцеларија ѝ го одзел мобилниот телефон.
Црна хроника
Им ветувал виза за странска земја: измамникот од Скопје им земал по 1.000 евра од лице
Надворешната канцеларија за криминалистички работи Кичево поднесе кривична пријава против А.А.(41) од Скопје, поради постоење основи на сомнение за сторено кривично дело „измама“.
Во период од септември 2023 година досега, пријавениот со намера да се стекне со противправна имотна корист, со лажно прикажување на факти дека ќе им обезбеди виза за странска земја измамил три лица и за тоа зел по 1.000 евра од лице.
Имено, пријавениот ги измамил лицата дека преку социјална мрежа од агенција ќе добијат термин за виза, но тоа не се случило.
Црна хроника
Oд струен удар загина 65-годишен маж во Скопје
Синоќа во 19.40 часот во Полициската станица Кисела Вода било пријавено дека во домот на подрачјето на Кисела Вода бил пронајден починат М.Т.(65) од Скопје.
Смрт констатирал лекар од Итна медицинска помош, а увид извршила екипа од СВР Скопје.
По наредба на јавен обвинител, телото на починатиот било дадено на обдукција, при што е утврдено дека причина за смртта бил струен удар.