Регион
Несогласувања во Србија за условите за членство во ЕУ
Српскиот премиер Александар Вучиќ и министерот за надворешни работи Ивица Дачиќ реагираа во неделата на тврдењата на српскиот претседател Томислав Николич дела Брисел членството на Србија во Европската унија ќе го условува со признавање на независноста на Косово, велејќи дека Белград останува на својот европски пат, како и дека ЕУ официјално не побарала признавање на поранешната јужна покраина Косово и Метохија која по војната од 1999 година во 2008 година со поддршка на Западот еднострано прогласи независност.
Српскиот премиер Александар Вучиќ и министерот за надворешни работи Ивица Дачиќ реагираа во неделата на тврдењата на српскиот претседател Томислав Николич дела Брисел членството на Србија во Европската унија ќе го условува со признавање на независноста на Косово, велејќи дека Белград останува на својот европски пат, како и дека ЕУ официјално не побарала признавање на поранешната јужна покраина Косово и Метохија која по војната од 1999 година во 2008 година со поддршка на Западот еднострано прогласи независност.
„Србија својата политика долго време ја градеше тоа да претставува најдобра и најодговорна политика во интерес на народот“, изјави премиерот Александар Вучиќ за новинарите кои бараа од него да ја коментира изјавата на претседателот Томислав Николиќ објавена во саботата во интервју за дневниот весник Вчерење новости.
Вучиќ, кој во неделата престојуваше во посета на гратчето Крупањ кое беше поплавено летово, притоа нагласи дека Србија ќе ги исполнува и своите европски обврски и „ќе соработува со своите други пријатели, и на Исток и на Запад“.
Српскиот премиер оцени дека Србија „станува важен фактор, не само во регионот, туку и во цела Европа“ и „тоа успева да го стори благодарејќи на сериозната и договорна политика“. „Србија има добра иднина и оние коишто не можат да придонесат и тоа да го прифатат како факт – што им можам јас“, изјави Вучиќ, пренесе Радио-телевизија Србија.
На изјавата на претседателот Николиќ реагираше и шефот на српската дипломатија Ивица Дачиќ, истакнувајќи дека Европската унија официјално не барала од Србија да го признае Косово.
„Србија не го промени својот став за непризнавање на независноста на Косово, ниту ЕУ официјално тоа го бараше“, изјави Дачиќ на редовната месечна прес-конференција во министерството за надворешни работи, пренесува Танјуг.
Дачиќ, притоа оцени дека ЕУ тоа може да го бара кога во Брисел би постоела согласност, потсетувајќи дека пет земји членки на Унијата не го признаа Косово. Наведе и дека и во официјалните документи на ЕУ не е запишано дека Србија има обврска да го признае Косово, и додаде дека за тоа не станало збор. „Тоа може некој да го каже во разговори кои немаат формален карактер, но во официјални разговори такво барање немаше“, истакна шефот на српската дипломатија.
Дачиќ потсети дека во бриселските документи стои обврската Србија да оствари напредок во дијалогот за нормализација на односите со Приштина истакнувајќи дека тој дијалог е „статусно неутрален“.
Николич во саботата во интервјуто за Вечерње новости порача дека Белград мора да биде подготвен да се соочи со барањето на Брисел кој приемот во ЕУ ќе го услови со признавање на независноста на Косово и повикаа за тоа што побрзо да биде постигнат национален консензус, и најави разговор на таа тема со премиерот Вучиќ.
Весникот потсети дека Николиќ по неодамнешните разговори со еврокомесарот за соседска политика и преговори за проширување Јоханес Хан „прв јавно проговори“ дека на Србија „сепак, пред слаткиот морков од Брисел ќе ѝ биде сервирано горкото косовски апче“.
„Зборовите на Хан од ЕУ никој не ги демантираше. А тоа значи дека и комесарот не говореше сам од својата глава, туку очигледно изнесе официјален став“, рече Николиќ./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“, на ниеден од предметите што биле земени за помош во истрагата не биле пронајдени биолошки траги од двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, го удриле девојчето. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ ниту во самиот автомобил ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата „Водовод“ од Бор, Јанковиќ и Драгијевиќ, биле на работна задача на 26 март кога во Бањско Поле исчезна двегодишно девојче. Според признанието на Драгијевиќ, девојчето го удриле со службеното возило, го задавиле и го фрлиле на дива депонија, од каде што два дена подоцна Дејан со својот татко (73) и сега починатиот брат Далибор (40) наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.