Спорт
Познати се тимовите што ќе играат во Еврокупот
УЛЕБ ја комплетира листата на учесници во Еврокупот за сезоната 2018/2019. За пехарот во ова натпреварување и пласман во Евролигата ќе се борат 24 екипи, четири од нив доаѓаат од регионалната АБА лига.
УЛЕБ специјални покани им подели на Франкфурт, Тур…


УЛЕБ ја комплетира листата на учесници во Еврокупот за сезоната 2018/2019. За пехарот во ова натпреварување и пласман во Евролигата ќе се борат 24 екипи, четири од нив доаѓаат од регионалната АБА лига.
УЛЕБ специјални покани им подели на Франкфурт, Турк телеком, Партизан и Торино, последните два тима во своите првенства не остварија пласман што ќе им гарантираше место ова натпреварување.
Учесници во Еврокупот, сезона 2018/2019 се:
Црвена звезда, Морнар, Цедевита, Партизан од АБА лигата, Тренто, Торино, Бреша (Италија), Улм, Алба, Франкфурт (Германија), Уникаха, Валенсија, Андора (Шпанија), Локомотива, Уникс, Зенит (ВТБ лига),Тофаш, Галатасарај, Турк телеком (Турција), Монако, Лимож, Асвел (Франција), Лијетувас Ритас (Литванија) и Асеко проком (Полска).
Оваа сезона во Еврокупот нема ниту еден тим од Израел, откако Хапоел реши да се натпреварува во Лигата на шампиони на ФИБА, а од иста причина ги нема ниту грчките клубови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ливерпул го отпиша најскапиот играч во историјата на клубот

Дарвин Нуњез (25) дојде во Ливерпул од Бенфика во летото 2022 година за сума од 85 милиони евра. Тој стана најскапиот играч во историјата на клубот. И покрај тоа што има договор со „црвените“ до летото 2028 година, клубот повеќе не смета на него.
Ова го објави Фабрицио Романо: „Се очекува Нуњез да го напушти Ливерпул на лето. Клубот ја одби понудата од Ал Наср во јануари, но во следните месеци ќе ги разгледаат сите опции. Нуњез исто така е отворен за нов предизвик”.
Ливерпул плати рекордна сума за уругвајскиот напаѓач откако тој одигра одлична сезона за Бенфика, но не успеа да се манетне на „Енфилд“.
На 138 настапи за Ливерпул, тој постигна 40 и постави 26 гола, но стана далеку попознат по своите бројни и големи промашувања.
Сезонава на 42 настапи постигна седум гола, но само 17 пати беше стартер.
„Трансфермаркт“ неговата вредност ја проценува на 50 милиони евра.
Спорт
Грилиш е слободен за 35 милиони евра

Манчестер сити ја игра најслабата сезона откако Пеп Гвардиола ја презеде функцијата пред девет години. Моментално се петти тим во англискиот шампионат со два бода помалку од Нотингем Форест и дури 21 од лидерот Ливерпул. Во Лига купот испаднаа во четвртото коло, во Лигата на шампионите испаднаа во плејоф рундата, а единствена шанса за трофеј им е ФА Купот каде во полуфиналето ќе се соочат со Форест.
На клубот во пресрет на наредната сезона му е потребен ремонт. Некои британски медиуми шпекулираат со двоцифрена бројка на играчи кои би можеле да го напуштат Сити, а некои како Кевин де Брујне веќе најавија заминување. Меѓу оние кои заминуваат е и Џек Грилиш, најскапиот играч во историјата на клубот.
29-годишниот англиски офанзивен играч за врска пристигна во Сити летото 2021 година од Астон Вила за 118 милиони евра, што го прави убедливо најскапиот играч во историјата на клубот. Втор на таа листа е Јошко Гвардиол кој е платен 30 милиони евра помалку. Грилиш е и деветти најскап играч во историјата на фудбалот.
Според британските медиуми, три клуба се издвојуваат како најверојатна следна дестинација на Грилиш. Тоа се Тотенхем, Њукасл (кој стана најбогатиот клуб во светот откако Саудијци го презедеоа) и „неговата“ Астон Вила.
„Трансфермаркт“, моментално го проценува на 35 милиони евра, а околу таа сума се шпекулира во локалните медиуми. Тоа значи дека Сити ќе го продаде за три пати помалку од она за што го донесе.
Од доаѓањето во Манчестер Сити, Грилиш одигра вкупно 155 натпревари, постигнувајќи 17 голови и 23 асистенции во сите натпреварувања. Во сезоната 2024/2025, Грилиш настапи на 19 натпревари во Премиер лигата, со скромна статистика, гол и асистенција.
Тој го постигна својот единствен првенствен гол на 2 април 2025 година против Лестер Сити, негов прв гол во Премиер лигата по 16 месеци. Во другите натпреварувања додаде уште еден гол во ФА Купот и еден во Лигата на шампионите.
Спорт
(Видео) Дончиќ: Далас ми го скрши срцето

Кошаркарот на Лос Анџелес Лејкерс, Лука Дончиќ откри како се чувствувал откако дознал дека е трејдуван од Далас.
Во февруари, Словенецот беше дел од трејдот што го запали кошаркарскиот свет, кога Маверикс го испратија во Лос Анџелес.
Дончиќ зборуваше за тоа за ESPN, откри дека прво го го скршил телефонот кога дознал за трејдот. Дочниќ зборуваше и за тоа како ги доживеал коментарите на генералниот директор на Маверикс, Ник Харисон.
„Тажно е да се слуша што зборува Нико по трејдот. Никогаш не сум кажал ништо лошо за него, само сакам да го оставам ова зад нас. Навивачите, поранешните соиграчи – ќе ги чувам сите во моето срце, но време е да продолжиме понатаму”, изјави Дончиќ за ESPN.
„Се фокусирам на мојата кариера“.
Тој објасни и колку трејдот му наштетил.
„Бев во кревет кога дознав за трејдот. Телевизорот не ми работеше, па гледав филм на таблетот пред да си легнам. Веднаш се запрашав дали е 1.април. Бев тажен, шокиран. Чувствував дека срцето ми е скршено. Сакав да ја завршам кариерата како Маверикс, а сега сакам да останам во Лејкерси”, изјави Дончиќ.
Luka Doncic tells @malika_andrews about throwing his phone and breaking it when he found out he got traded to the Lakers 😳
"My heart was broken honestly." 💔 pic.twitter.com/rfsIGlOaBC
— ESPN (@espn) April 18, 2025