Македонија
Студентите од техничките факултети може да се пријават на Летна ембедед школа
Во тек се уписите за Летната ембедед школа организирана од страна на софтверската компанија „Сеавус“, во соработка со ST Microelectronics. Традиционално, петти пат, Школата нуди можност за пракса на студентите од техничките факултети.
Во текот на летната школа студентите ќе имаат можност да работат со експертите од „Сеавус“ од областа на вгнездени системи и да добијат уникатни вештини за изработка на врвни решенија од таа област. При изведување на оваа пракса ќе се користат напредни развојни околини од ST Microelectronics, на кои студентите ќе ги изработуваат своите практични задачи и проекти.
Со учеството во Летната школа студентите ќе имаат можност да се стекнат со следниве вештини:
– креирање проекти со користење System Workbench софтверската развојна околина;
– нагодување и користење околина за дебагирање програми што се извршуваат на електронска развојна околина;
– изработка на апликации и системски решенија за вгнездени системи за разновидни функционалности;
– Користење разновидни сензори, надворешни мемории и картички, комуникација со компјутер, надворешни ЛЦД-компоненти и слични уреди.
Повикот е отворен за сите студенти од втора, трета и четврта студиска година. За да може да аплицираат, студентите треба да ги имаат проследено курсевите или предавањата за изработка на софтверски алгоритами, програмски јазик С (основно ниво на познавање) и електротехника.
Предност за учество во Летната школа ќе имаат кандидатите од повисоките студиски години од следниве факултети: ФЕИТ, ФИНКИ, ФИКТ и SEEU. Бројот на учесници е ограничен, а пријавените кандидати ќе поминат низ процес на селекција.
Пријавете го вашето учество најдоцна до 28 јуни на следниот линк: https://career.seavus.com/job-opportunities/job/seavus-embedded-summer-school
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сообраќајка на патот Радовиш – Штип, сообраќајот во прекин
Од 18:05 ч. сообраќајот на магистралниот пат Радовиш – Штип, во близина на „Алкопласт“, е во прекин поради сообраќајна незгода, соопшти АМСМ.
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Владата ќе ја одбележи 121 годишнината од смртта на Гоце Делчев
Владата на Република Северна Македонија, на 04.05.2024 година (сабота), ќе ја одбележи 121 годишнината од смртта на Гоце Делчев со положување свежо цвеќе на неговото вечно почивалиште, во црквата „Св.Спас“,Скопје.
По тој повод, во 10:30 часот, свежо цвеќе ќе положи претседателот на Република Северна Македонија, Стево Пендаровски, владина делегација предводена од Славјанка Петровска, министерка за одбрана во Владата на Република Северна Македонија, Каја Шукова, министерка за животна средина и просторно планирање во Владата на Република Северна Македонија.
Македонија
Димитриевски во Тетово: Ја бараме поддршката на граѓаните на претстојните избори за работите во Македонија да не бидат како досега
Претседателот на Движењето ЗНАМ – За наша Македонија, Максим Димитриевски денеска беше во Тетово, каде што со носителот на листата на кандидати за пратеници во ИЕ 6, Небојша Захариески и останатите кандидати, ја промовираа програмата на Движењето за претстојните парламентарни избори „Проглас за достоинствена Македонија“.
Димитриевски во изјавата за медиумите рече дека Движењето ЗНАМ – За наша Македонија се етаблираше како нова политичка сила на македонскиот политички простор токму со поддршката на граѓаните.
„Ја претставуваме програмата и ја бараме поддршката за нашите кандидати за пратеници предводени од господин Небојша Захариески во ИЕ 6. Јас знам дека никогаш повеќе ЗНАМ нема да дозволи нештата во државата да бидат исти. Ќе бидеме коректив на идната власт, но и на идната опозиција. Нашиот број секојдневно се зголемува, а и поддршката од граѓаните е се поголема и верувам дека заедно ќе успееме да ја вратиме државата таму каде што припаѓа, во рацете на граѓаните“.
Тој ги повика граѓаните масовно да ја дадат својата поддршка на Движењето ЗНАМ – За наша Македонија, на носителот на листата во ИЕ 6, Захариески, како и на сите кандидати за пратеници.
Со тоа, рече Димитриевски, граѓаните го даваат својот глас од граѓанин за граѓанин. Ние сме политички субјект кој расте токму со граѓанската поддршка. Продолжуваме понатаму со позитивни промени во државата, со позитивни промени во Македонија.
Носителот на листата во ИЕ 6, Небојша Захариески, рече дека со она што го нудат во програмата „Проглас за достоинствена Македонија“ сакаат да ги вратат илинденските и асномските темели на државата.
„Сакаме да ја направиме државата самоодржлива, со што ќе биде и самостојна. Сакаме да градиме стабилни меѓуетнички односи, а Тетово е симбол за добар соживот“, рече Захариески.
Тој додаде дека нивна цел е добро владеење, правна држава, како и запирање на клиентелизмот, непотизмот и корупцијата, со што, како што рече, ќе го дадат својот максимум за Македонија.