Црна хроника
Скопјанец заврши во притвор поради шверц на кокаин од Косово
Скопјанец заврши во притвор поради шверц на кокаин од Косово. Одделот за сузбивање на организиран и сериозен криминал – Единица за недозволена трговија со дрога при Министерството за внатрешни работи до Основното јавно обвинителство Скопје поднесе кривична пријава против Е.М. (31) од Скопје поради постоење основи на сомнение за сторено кривично дело ,,неовластено производство и пуштање во промет на наркотични дроги, психотропни супстанци и прекурсори“, казниво по член 215 став 1 од Кривичниот законик.
Врз основа на судска наредба, на 21 јуни полициски службеници извршиле претрес во дом и други простории кај скопјанецот, при што биле пронајдени две полиетиленски пакувања со наркотична дрога кокаин со маса од 161 грам, дигитална вага, 22 банкноти во апоени од по 50 евра, два мобилни телефони марка со СИМ картички и уште една СИМ картичка.
Според МВР, тој во текот на јуни во повеќе наврати остварил патувања во Косово, од каде набавил кокаин, кој го пренел во Република Македонија заради понатамошна продажба. Од страна на судија на претходна постапка, на пријавениот му е одредена мерка притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен шверцер на мигранти
Полициски службеници од полициската станица за гранични проверки и граничен надзор Стар Дојран денеска околу 01:00 часот го лишиле од слобода А. С. (36) од Радовиш поради сомнение за сторено кривично дело „криумчарење мигранти“ по член 418 – б од Кривичниот законик, откако претходно, по преземени мерки и добиени оперативни сознанија, на крстосница Богданци полициски службеници извршиле контрола во патничко возило „ауди“ со скопски регистарски ознаки, кое го управувал А.С., при што бил пронајден ранец и траги од превоз на други лица.
Набргу, по преземени мерки, помеѓу селата Стојаково и Богородица биле пронајдени осум лица мигранти од Непал, кои изјавиле дека биле превезувани во возилото и дека заборавиле ранец.
Од МВР информираат дека лицето било задржано во полициска станица, а за настанот бил запознаен јавен обвинител и по целосно документирање против него ќе биде поднесена соодветна пријава.
Црна хроника
Изгореа три автомобили во Скопје
Денеска во 02.42 часот во СВР Скопје било пријавено дека на ул.„Цветан Димов“ во Скопје било опожарено патничко возило „опел мерива“ со скопски регистарски ознаки, сопственост на Н.Н. од Скопје.
Од пожарот биле зафатени и две други возила, „опел “ со скопски регистарски ознаки, сопственост на Е.Р. од Скопје и возило „тојота“ со скопски регистарски ознаки, сопственост на приватна фирма од Скопје.
Пожарот бил изгаснат од екипа на Бригадата за против пожарна Скопје, а повредени лица нема. Увид бил извршен.
Црна хроника
Жена тепана и вознемирувана од поранешниот партнер
Вчера во 12.34 часот во СВР Скопје, 29-годишна жена од Скопје пријавила дека од јули 2024 до пријавувањето, нејзиното поранешно момче Б.Д. често ја следело, вознемирувало, ѝ се јавувало телефонски и ѝ упатувало закани и во неколку наврати наврати физички ја нападнал.
Се преземаат мерки за расчистување на случајот.