Спорт
Хонда, стрелец и асистент на три светски првенства
Јапонскиот репрезентативец Каисуке Хонда на натпреварот што неговиот тим го одигра против Сенегал успеа да го запише своето име во историјата на светските првенства.
Јапонија, вечера, одигра 2:2 против Сенегал, а вториот гол за Јапонија го постигна ток…


Јапонскиот репрезентативец Каисуке Хонда на натпреварот што неговиот тим го одигра против Сенегал успеа да го запише своето име во историјата на светските првенства.
Јапонија, вечера, одигра 2:2 против Сенегал, а вториот гол за Јапонија го постигна токму Хонда. Поранешниот фудбалер на Милан на теренот влезе во 72.минута, а шест минути подоцна го поставо конечниот резултат.

Со овој гол Хонда влезе во мундијалската историја како единствениот фудбалер што на три последовни светски првенства постигнал гол и забележал асистенција. Хонда асистираше за вториот гол со кој Јапонија во првата рунда славеше над Колумбија 2:1.
Овој играч бил стрелец и асистент на првенствата во 2010, 2014 и 2018 година.
Јапонија, во пресрет на последното коло во Х-групата се наоѓа на првото место во групата со четири бода, а во последното коло ќе игра против Полска, репрезентација која нема шанси за пласман во осмина-финалето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.