Свет
Федерален судија нареди спојување на разделените мигрантски семејства во рок од 30 дена
Федерален судија во Сан Диего, Калифорнија, во вторникот издаде прелиминарна наредба по барање на Американската унија за граѓански слободи со која им наложи на американските гранични служби да ги спојат разделените мигрантски семејства во рок од 30 дена, пренесува „Лос Анџелес тајмс“.
Судија Дејна Сабро ја издаде оваа наредба врз основа на тужба на Американската унија за граѓански слободи која се однесува на седумгодишно девојче што е одвоено од мајката, која е од Конго, и на 14-годишно момче кое е раздвоено од мајката Бразилка. Судијата Сабро исто така издаде забрана за раздвојување семејства во иднина на ниво на целата сојузна држава, освен во случаи кога ќе биде проценето дека родителот не е способен да се грижи за детето.
Спред наредбата, сите деца помлади од пет години мора да им бидат вратени на родителите во рок од 14 дена, додека децата постари од 5 години мора да се вратат кај родителите во рок од 30 дена. Во изминативе недели повеќе од 2 000 деца се разделени од нивните родители, нелегални имигранти во САД, и сместени под контрола на државата.
Во исто време, против администрацијата на претседателот Доналд Трамп, тужба поднесоа 17 сојузни американски држави и дистриктот Колумбија, кои се обидуваат да ја запрат „суровата и незаконска“ политика на присилно раздвојување на имигрантските семејства, кои влегуваат од Мексико. Во тужбата поднесена вчера во американскиот окружен суд во Сиетл, американските сојузни држави го нарекоа указот, со кој се стопираше развојувањето на семејставта, „илузија“.
Трамп на 20 јуни потпиша указ со кој на имигрантските семејства, кои илегално ја минале јужната граница на САД, им се овозможува да бидат заедно додека го чекаат исходот од имигрантската постапка.
Тој, меѓутоа, напомена дека ќе продолжи политиката „нулта толеранција“, која подразбира кривично гонење на сите возрасни лица, кои се фатени како нелегално ја минуваат границата. Во тужбата се вели дека политиката на администрацијата на Трамп делумно е неуставна, бидејќи е „мотивирана од злонамерност и желба да се повредат“ имигрантите, кои доаѓаат од Јужна Америка.
По бројни критики од редовите на својата Републиканска партија, како и од опозициските демократи, претседателот Доналд Трамп издаде извршна наредба да се прекине со раздвојување на семејствата на илегалните имигранти и рече дека наместо тоа, родителите и децата ќе бидат во прифатни центри заедно. Меѓутоа, повторното спојување на семејствата се одвива бавно, наведуваат западни медиуми.
Во меѓувреме, американскиот потпретседател Мајк Пенс им порача на граѓаните на централна АМерика да не доаѓаат во САД ако не можат да влезат легално. На првата станица на својата јужноамериканска Турнеја во Бразилија, Пенс кажа дека има порака до луѓето од тој регион.
„Не ги ризикувајте своите животи и животите на своите деца обидувајќи се да дојдете по патот што го управуваат шверцерите на дрога и луѓе. Ако не можете да дојдете легално, воопшто не доаѓајте“, кажа пенс.
Американскиот потпретседател вчера се сретна со бразилскиот претседател МИшел Темер. Во заедничка изјава тие кажаа дека разговарале за состојбата во Венецуела, државата во која политичката и економска криза доведе до иселување на милиони луѓе во последните години.
„Колапсот на Венецуела создава хуманитарна криза“, кажа Пенс, кој денес во бразилски Манаус треба да се сретне со емигранти од Венецуела, а потоа да отпатува во Еквадор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.
Свет
НАТО започна огромни вежби, за Русија: Тоа е подготовка за војна
Четиримесечните воени вежби на НАТО во близина на границите на Русија, наречени „Непоколеблив бранител“ се доказ дека алијансата се подготвува за потенцијален конфликт со Русија, изјави портпаролката на руското Министерство за надворешни работи, Марија Захарова.
Захарова неделава ги отфрли обвинувањата на НАТО дека Русија води хибридна војна против нејзините членки, тврдејќи дека тоа е дезинформација со цел да се одвлече вниманието од активностите на алијансата.
НАТО е тој што води хибридна војна против Русија, поддржувајќи ја Украина со оружје, разузнавачки информации и финансии, рече таа.
„Во моментов, најголемата вежба на НАТО од Студената војна, Непопустлив бранител, се одржува во близина на руските граници. Според нивното сценарио, акциите на коалицијата против Русија се практикуваат со користење на сите инструменти, вклучително и хибридно и конвенционално оружје“, продолжи Захарова.
„Мора да признаеме дека НАТО сериозно се подготвува за потенцијален конфликт со нас“, рече Захарова.
Најавувајќи го почетокот на вежбите во јануари, НАТО најави дека на нив ќе учествуваат 90.000 војници, кои ќе го вежбаат сценариото американските сили да им помагаат на Европејците во земјите кои граничат со Русија и на источното крило на алијансата доколку конфликтот се разгори.
Вежбите ќе траат до мај, пишува Ројтерс.
Свет
Во Мексико трагаа по исчезнати туристи од САД и Австралија, пронајдоа три тела
Мексиканските власти пронајдоа три тела во областа Долна Калифорнија за време на потрагата по исчезнати туристи. ФБИ соопшти дека телата биле пронајдени во градот Санто Томас и се уште не се идентификувани. Австралијците Џејк (30) и Калум Робинсон (33) и Американецот Џек Картер Роуд (30) сурфале во близина на популарното туристичко место Енсенада. Исчезнаа на 27 април, пишува Би-Би-Си.
Мексиканската полиција во четвртокот испрашувала жена и двајца мажи во врска со нивното исчезнување. Пред да бидат пронајдени телата, во областа беа пронајдени напуштени шатори, запален бел пикап и мобилен телефон поврзан со исчезнатите туристи.
Долна Калифорнија е меѓу државите во Мексико со највисоко ниво на насилство додека локалните нарко банди се борат за територија. И покрај тоа, туристите често ја посетуваат областа поради добрите услови за сурфање.