Црна хроника
Полицаец настрадал при обид да приведе осуден за убиство во Тетово
Полицаец настрадал при обид да приведе осуден за убиство во Тетово. МВР информираше дека вчера околу 21,45 часот на улица „Страшо Пинџур“ во Тетово од страна на полициски службеници на СВР Тетово биле преземани мерки за приведување на Г.Е.(41) од Тетово кој се бара за издржување затворска казна во времетрање од 6 години и 5 месеци за убиство.
Откако тој бил забележан како совозач во патничко возило „волксваген-пасат“, од страна на полициски службеник била издадена наредба да се сопре возилото, при што непознатиот возач со голема брзина тргнал кон полицаецот и со предниот дел од возилото го удрил во пределот на десното колено.
Потоа Г.Е. извадил пиштол кој го вперил кон полицискиот службеник, кој со службениот пиштол испукал еден проектил кон возилото. На полицаецот му била укажана лекарска помош во Клиничка болница Тетово. Се преземаат мерки за целосно расчистување на случајот и пронаоѓање на лицата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Црна хроника
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Црна хроника
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.