Спорт
Ферстапен со „домашна“ победа во Австрија, Хамилтон по 33 трки во аут!
Макс Ферстапен е победник на Австриското ГП на патеката на неговиот тим Ред бул, пред двајцата возачи на Ферари, Кими Раиконен и Себастијан Фетел, додека Луис Хамилтон ја прекина неверојатната низа од 33 трки во поени со откажување кое го остави фуриоз…
Макс Ферстапен е победник на Австриското ГП на патеката на неговиот тим Ред бул, пред двајцата возачи на Ферари, Кими Раиконен и Себастијан Фетел, додека Луис Хамилтон ја прекина неверојатната низа од 33 трки во поени со откажување кое го остави фуриозен на својот тим, кој целосно ја „утна“ тактиката со влегување во боксот.
Ова е четврта победа во кариерата за Ферстапен и доаѓа пред „морето“ фанови во портокалово, откако голем број на Холанѓани допатуваа во австриското „село“ Шпилберг за трката.
„Да се победи на Ред бул ринг со сите холандски фанови на трибините е нешто неверојатно за мене. Денеска беше навистина добар ден“, изјави Ферстапен по трката.
Роман Грожан во Хас го освои четвртото место пред Кевин Магнусен (Хас), Естебан Окон (Форс Индија), Серхио Перез (Форс Индија), Фернандо Алонсо (Мекларен), Шарл Леклер (Заубер) и Маркус Ериксон (Заубер). Мерцедес првпат од мај 2016 година немаат болид меѓу тие кои ја завршија трката.
Резултатот исто така значеше враќање на Себастијан Фетел на првото место во генерален пласман, сега со само еден поен предност пред лутиот Хамилтон.
Hamilton’s incredible 33-race points scoring streak comes to a close#AustrianGP ?? #F1 pic.twitter.com/55rABVcziY
— Formula 1 (@F1) July 1, 2018
Хамилтон, кој стартуваше на второто имаше одличен старт и го помина својот колега, освојувачот на пол-позицијата, Валтери Ботас, кој падна на четвртото место по првиот круг. Ботас успеа да се врати на второто место, пред во 14-тиот круг неговата трка да заврши откако болидот загуби хидраулички притисок.
Двата болиди на Ред бул и на Ферари влегоа во боксот при „виртуелното“ безбедносно возило по застанувањето на Ботас, но Мерцедес одлучуваат Хамилтон да не влезе во боксот. Кога ќе влезе во боксот 10 круга подоцна, тој паѓа на четвртото место, и од Мерцедес преку радиото му признаваат дека направиле грешка.
Фетел го помина ривалот за титулата Хамилтон во 38. круг, пред Британецот поради проблеми со моторот да ја стопира трката како четврти во 64. круг. Во аут беше и Даниел Рикардо во Ред бул во 51. круг.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА му го одзеде финалето на Лигата на шампионите на „Сан Сиро“, се бара нов домаќин
Финалниот натпревар од Лигата на шампионите во 2027 година нема да се одигра на миланскиот Сан Сиро, како што беше првично планирано, официјално соопшти УЕФА.
По состанокот на Извршниот комитет на УЕФА во Прага, така одлучија челниците на европската чадор фудбалска организација бидејќи градот Милан не можеше да гарантира дека дотогаш ќе биде завршено реновирањето на стадионот и неговата околина.
Во исто време, УЕФА најави дека повторно ќе го отвори натпреварувањето со цел да се најде соодветен домаќин и локација за тој финален натпревар. Одлуката за домаќинот најверојатно ќе следи во мај или јуни следната година. Финалето на тековната сезона во Лигата на шампионите ќе се одржи на минхенската „Алијанц Арена“ на 31 мај следната година, додека Будимпешта ќе биде домаќин на финалето на Лигата на шампионите една сезона подоцна.
Спорт
Пешиќ останува селектор на Србија
Искусниот кошаркарски стручњак, Светислав Пешиќ, ќе остане селектор на Србија.
Трофејниот стручњак, кој неодамна ја предводеше Србија до бронзениот медал на Олимписките игри, има истечен договор, но тој ќе биде продолжен по изборот на нов претседател на Кошаркарскиот сојуз на Србија.
Пешиќ неодамна имал средба со новиот претседател на КСС, Небојша Човиќ, при што двајцата договориле соработка во наредните години, пишува српскиот весник „Курир“.
Неодамна Богдан Богдановиќ и Вања Маринковиќ разговараа за тоа како би било добро Светислав Пешиќ да остане на српската клупа, а се чини дека нивната желба ќе биде остварена.
Спорт
ЕХФ доживотно суспендираше српски судии поради местење натпревари
Двајцата српски ракометни судии, Александар Панџиќ и Иван Мошорински, добија доживотна суспензија поради местење натпревари.
Имено, како што пренесува „HandNews“, портал специјализиран за ракомет, српските судии Панџиќ и Мошорински се доживотно суспендирани од сите активности на ЕХФ.
Причината поради која е донесена оваа одлука е тоа што тие биле вклучени во местење натпревари, тврди „HandNews“.
Двајца судии добија доживотна суспензија бидејќи биле вмешани во местење натпревари на Европското првенство во ракомет.
Истиот додава дека покрај доживотна суспензија, биле казнети и парично со по 2.000 евра.
Се додава дека судиите не се појавијле на рочиштето, но барањето на ЕХФ ило прифатено и тие и официјално се избришани од списоците на функционери на ЕХФ за натпреварите што се организираат.
Останува да видиме дали и ќе ги суспендира и Ракометниот сојуз на Србија.
🇪🇺 #EHF
👨⚖️ Le binôme d'arbitres 🇷🇸 impliqué dans l'affaire des matchs truqués radiés à vie par l'EHF 😯
👉 https://t.co/21PEkNDcY8 pic.twitter.com/BbSGAi1oQ3
— HandNews (@HandNewsfr) September 24, 2024