Македонија
(Видео) Раководители од МВР му се закануваат на полицаецот од Арачиново за да го замолчат, тврди тој
По објавувањето на скандалот дека ПО Арачиново не располага со списи за казни и констатирањето на ваквата состојба од Внатрешната контрола при МВР, вратени им се надлежностите на полицајците. МВР ги задолжило полицајците со списи, а синдикалниот претставник Дејан Саздов, кој е и прераспределен во ПО Арачиново, се соочува со притисоци. Саздов тврди дека Внатрешната контрола го деградира и понижува. Со сличен притисок се соочуваат и неговите колеги од ПО Арачиново.
„Почнаа притисоци од страна на претставници од Секторот за внатрешна контрола. Дојдоа на моето работно место со само две прашања, а тоа се во кое својство сум ја дал изјавата и од кого сум побарал одобрување. Јас на ова гледам како на директен притисок врз мене. Појаснив дека синдикален претставник, според Законот за работни обврски, има право да обелоденува кривични дела. Тие и понатаму се обидуваат да ме попречат, но нема да потклекнам. Добивам закани за мојата безбедност од страна на непознати лица кои се поврзани со инволираните во ова незаконско работење“, вели Саздов.
Цел на притисоци се и другите вработени во ПО Арачиново, тврди синдикалниот претставник Саздов, кој додава дека претставници од Секторот за внатрешна контрола им викале додека ја вршеле контролата за списите за казни. „Вие сте неработници“ биле зборовите упатени до вработените, тврди тој.
„Таа меѓусебна поврзаност на високи функционери оди до таа мера што да удираат на секој можен начин. Тие удираат и врз членови на моето семејство, иако сега се свртеа поактивно кон мене. Реакциите на вработените во Секторот за внатрешна контрола кон полицајците од ПО Арачаиново само ја докажуваат инолвираноста во ова кривично дело“, додава Саздов.
МВР демантираше дека ПО Арачиново нема списи, иако по проверката била констатирана ваква состојба. Саздов тврди дека објавувањето на информацијата директно ги погодила засегнатите кои во моментов вршат притисоци во иднина да не се објавува незаконското работење во МВР.
Полицаецот и синдикален претставник Дејан Саздов ќе го пријави случајот во соодветните институции, а го повика и Јавното обвинителство да дејствува по допрен глас. Тој поднел и кривични пријави против високи функционери во МВР, за кои очекува епилог.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нема бојкот на претседателските избори, сите што излегле на парламентарните, гласале и за претседател, уверува Даштевски
Нема бојкот на претседателските избори, сите што излегле на парламентарните, гласале и за претседател, вели претседателот на ДИК, Александар Даштевски.
„На неколку места се појавија технички проблеми, кои во меѓувреме се решаваат, таму гласањето ќе продолжи на стариот начин со УВ-ламба и спреј, а доколку се исправат техничките недостатоци, ќе се продолжи со техничката опрема. Такви места има во Кочани, Охрид, Куманово, Тетово и во Гази Баба.
Како што дополнува, има доставено и 15 приговори за избирачко право и само три од нив се одбиени.
Во однос на одѕивот на парламентарните избори, до 9 часот, по обработените податоци од 1.033 избирачки места, гласале 4,45 %. Според податоците на ДИК, најголем одѕив има во Пробиштип, а најмал за парламентарните има во Боговиње (1,43 %).
Во Македонија утрово почнаа парламентарните избори и вториот круг од претседателските.
Избирачките места, од кои вкупно 3.480 беа отворени во 7 часот, а ќе бидат затворени во 19 часот.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавците не треба да извршуваат дејност со исклучок на оние каде што работните процесите поради својата природа не може да се прекинат.
Поради првиот круг од претседателските избори, неработен беше и 24 април. Според одлуката на техничката Влада, двата неработни дена нема да се одработуваат.