Спорт
„Трите круни“ ќе играат четврт-финале во Русија! (видео)
Шведска со 1:0 ја совлада Швајцарија за да обезбеди четврт-финале на Мундијалот во Русија, каде што ќе се сретнат со подобриот од последното осминафинале, во кое вечерва ќе се „судрат“ Англија и Колумбија.
На „Крестовски“ во Санкт Петербург, двете репр…

Шведска со 1:0 ја совлада Швајцарија за да обезбеди четврт-финале на Мундијалот во Русија, каде што ќе се сретнат со подобриот од последното осминафинале, во кое вечерва ќе се „судрат“ Англија и Колумбија.
На „Крестовски“ во Санкт Петербург, двете репрезентации имаа свои шанси, но Швеѓаните повторно покажаа дека се многу опасен тим, кој сега ќе сонува за полуфинале.
Швеѓаните имаа шанса уште во осмата минута, кога Маркус Берг шутираше во шестнаесетникот, а истиот фудбалер и следната минута се најде во опасна ситуација.
Швајцарците полека ја преземаа контролата на теренот и имаа шанси преку Шаќири, кој му даде одлична топка на Дрмиќ во 15. минута. Швеѓаните вратија во 29. минута, кога повторно Берг имаше одличен удар, но голманот добро реагираше.
Џака во 34. минута имаше опасен удар од голема далечина, а во 39. минута, Џемаили имаше совршена шанса, но беше непрецизен. Сепак, најдобрата шанса во првото полувреме ја имаа „викинзите“ откако Екдал утна совршена шанса по нафрлена топка од десната страна.

На стартот на второто полувреме, Швеѓаните „притиснаа“ и имаа одлични шанси преку Тоивонен во 49. и Форсберг во 63. минута.
Резултатот беше „скршен“ во 67. минута, кога Форсберг излезе на работ на шестнасетникот, а неговиот силен удар заврши прво во ногата на Аканџи, а потоа и во голот на Швајцарците.
Швајцарците во последните 15-тина минути „притиснаа“, и имаа шанса преку Емболо во 80. минута, кога Форсберг ја извади топката од мрежата, а во 85. минута и Дрмиќ беше во добра позиција.
Во 94. минута, Ланг добива црвен картон по стартот одзади, а судијата иако прво покажува пенал, по консултацијата со ВАР-системот, решава дека се работи за фаул надвор од шестнаесетникот.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Нигерија поднесе жалба, бара дисквалификација на ДР Конго
Демократска Република Конго би можела да биде исфрлена од плејофот за пласман на Светското првенство. Нигерија поднесе жалба против ДР Конго. Нигеријците тврдат дека за ДР Конго насташиле фудбалери кои немале право да играат.
ДР Конго неодамна ја елиминираше Нигерија во квалификациите за пласман во интернационалниот. Конгоанците, до дуелот со победникот од Јамајка и Нова Каледонија, дојдоа по подоброто изведување пенали.
Нигеријците тврдат дека дури девет фудбалери на ДР Конго го промениле своето спортско државјанство пред натпреварот со Нигерија. Постапката тогаш не била завршена, па затоа бараат дисквалификација на ДР Конго.
Уставот на ДР Конго не дозволува двојно државјанство, а Нигеријците имаат информации дека некои формално не го отфрлиле претходнто. Доколку тоа се покаже како вистина, ФИФА би можела да ги поништи резултатите…
Аксел Туанзебе, Артур Масуаку, Арон Ван-Бисака итн. се во конкуренција.
Спорт
Сопругата на Рафиња полуде поради ФИФА: Дали мојот сопруг е кошаркар?
Додека Усман Дембеле ја славеше наградата на ФИФА за 2025 година, во Барселона се крена вистинска бура. Сопругата на Рафиња, бразилскиот напаѓач на каталонскиот клуб, јавно го изрази своето незадоволство, затоа што нејзиниот сопруг не е во идеалниот тим на светот.
На церемонијата во Доха, Дембеле од ПСЖ беше прогласен за најдобар фудбалер, додека Луис Енрике стана тренер на годината.
Речиси половина од играчите од ПСЖ беа во идеалните 11, вклучувајќи го и Донарума, кој сега е во Премиер лигата. Во првите единаесет се уште: Нуно Мендес, Хакими и Витиња, а тука се и Педри од Барселона, Белингам од Реал, Палмер од Челзи, Мбапе и Ламин Јамал.
Сепак, отсуството на Рафиња предизвика вистинска бура. Неговата сопруга не го криеше своето незадоволство:
„Како за Рафиња, кој постигна 62 гола на 64 натпревари оваа сезона, нема место во идеалните единаесет? Мислевте дека е кошаркар? Ова е голема неправда“.
Foto/ depositphotos
Natalia Rodrigues Belloli didn’t hide her frustration after Raphinha was left out of The Best FIFA Men’s XI 😡👀
🗣 '62 G/A… But he didn’t deserve to be included in the XI' pic.twitter.com/si9Hqc8YsY
— OneFootball (@OneFootball) December 16, 2025
Спорт
(Видео) Еден од најголемите боксери на 21 век замина во пензија
Еден од најголемите боксери на својата генерација, непоразениот светски шампион Теренс Крофорд, објави крај на импресивна кариера.
Одлуката доаѓа по три месеци откако ги обедини титулите во супер средна категорија со победата против Канело Алварез.
38-годишникот од Небраска, кој ја победи мексиканската легенда со доминантен настап во Лас Вегас во септември, ја сподели својата одлука со јавноста преку видео на социјалните мрежи.
„Се повлекувам од натпреварувањето, не затоа што завршив со борбата, туку затоа што добив поинаков вид битка“, рече Крофорд и дополни:, „Тааа каде што си заминуваш по свои услови“.
Крофорд (42-0, 31 нокаут) се повлекува како актуелен шампион во супер средна категорија на ВБА, ИБФ и ВБО. Професионалната кариера на Крофорд траеше три децении.
Тој дебитираше во 2008 година и брзо се етаблираше како еден од највозбудливите таленти во боксот.
Ја освои својата прва светска титула, круната во лесна категорија на ВБО, во 2014 година, победувајќи го Шкотланѓанецот Рики Барнс.
Вкупно, тој освои 18 светски титули во пет тежински категории, а врвот го достигна со триумф над Алварез.
Се пензионира со неверојатно достигнување, никогаш во текот на своите борби, не бил во нокдаун.
Сите 42 негови победи беа со едногласна одлука или прекин, и интересно е што ниту еден судија никогаш не бодувал резултат во корист на неговиот противник во текот на целата кариера на Крофорд.
Foto/ freerangestock

