Украински беспилотни летала наводно го нападнале сибирскиот град Тјумен доцна синоќа, на повеќе од 2.000 километри од линијата на фронтот, известија локалните руски претставници, пишува „Киев Индепендент“.

Службениците во рускиот Тјуменски регион објавија на „Телеграм“ дека три украински беспилотни летала биле соборени над „индустриски објект“ во градот. Тие додадоа дека немало пожари, жртви или експлозии за време на нападот и дека објектот работел „без прекин“.

Сепак, рускиот медиумски канал ASTRA на Телеграм објави, повикувајќи се на локалните жители, дека целта на нападот веројатно била рафинеријата за нафта Антипински, која се наоѓа во југоисточниот дел од градот.

Жителите објавија дека слушнале експлозии и виделе бројни противпожарни возила на патот помеѓу 20 и 21 часот по локално време. Проукраинските канали на социјалните медиуми објавија дека Украина поставила нов светски рекорд за најоддалечен напад од таканаречени самоубиствени дронови.

BREAKING:

Ukraine has set a new world record for the longest suicide drone strike in a war.

Ukrainian suicide drones have hit a Russian oil refinery in Tyumen, 2100 km (1300 miles) away from the Ukrainian border.

The previous record on 1800 km was set in August. pic.twitter.com/waMkgzIG9A

— Visegrád 24 (@visegrad24) October 6, 2025

Руското Министерство за вонредни ситуации одговори на нападот со соопштение во кое се вели дека немало пожар во рафинеријата. „Киев Индепендент“ не беше во можност независно да ги потврди овие тврдења, а украинската војска сè уште не го коментираше нападот, иако е веројатно дека биле користени дронови со долг дострел.

фото: принтскрин

Американскиот претседател Доналд Трамп беше прашан од новинарите во Овалната соба за депортацијата на Грета Тунберг и други пропалестински активисти кои се обидоа да ја пробијат поморската блокада на Газа.

„Таа е само проблем“, рече Трамп, осврнувајќи се на шведската активистка. „Значи, таа повеќе не се грижи за животната средина, сега го прави ова?“ додаде тој.

„Таа е проблем, има проблем со управувањето со гневот, мислам дека треба да посети лекар“, продолжи Трамп.

„Ако некогаш сте ја гледале, таа е како… Млада личност и е толку лута, толку е луда“, рече американскиот претседател за Грета Тунберг.

.@POTUS on Greta Thunberg: "She has an anger management problem. I think she should see a doctor. If you ever watch her, for a young person, she's so angry. She's so crazy. You can have her." 🤣🤣 pic.twitter.com/a7Mqhu1kpO

— Rapid Response 47 (@RapidResponse47) October 6, 2025

Шведската активистка пристигна во Грција во понеделник, каде ја дочека воодушевената пропалестинска толпа откако израелските власти ја депортираа заедно со стотици други активисти. Тие беа уапсени на отворено море додека се обидуваа да достават хуманитарна помош во Газа, објави Ројтерс. Израел потврди дека во понеделник протера 171 активист, вклучувајќи ја и Тунберг, со што вкупниот број на депортирани лица се искачи на 341.

Според соопштението на грчкото Министерство за надворешни работи, 161 активист, вклучувајќи ја и 22-годишната Тунберг, слетаа во Атина во понеделник. Групата вклучуваше 27 грчки државјани, како и активисти од речиси 20 други земји.

GRETA THUNBERG FULL SPEECH IN GREECE AFTER BEING ABDUCTED BY ISRAEL

“Thank you to all of you who are keeping an eye on the flotilla & sharing our content” pic.twitter.com/ldS6ZJsL8Y

— Global Sumud Flotilla (@GlobalSumud) October 6, 2025

„Да бидам многу јасна. Пред нашите очи се случува геноцид“, изјави Тунберг пред толпата на аеродромот во Атина, осврнувајќи се на воените операции на Израел во Газа. „Никој нема право да каже дека не знаеме што се случува. Никој во иднина нема да може да каже дека не сме знаеле“, рече таа, додавајќи дека државите имаат обврска според меѓународното право да реагираат за да спречат геноцид.

фото: принтскрин

Крајот на човечкото страдање во Газа е наш апсолутен приоритет, овој циклус на смрт мора да се запре, изјави денес високата претставничка на Европската Унија за надворешна политика и безбедност, Каја Калас.

На состанокот меѓу ЕУ и Советот за соработка на земјите од Персискиот Залив, што се одржа во Кувајт, Калас рече дека мора да се искористи политичкиот моментум од Њујорк, објави Европската служба за надворешни работи (ЕЕАС).

„Ги поддржуваме тековните напори за постигнување прекин на огнот, ослободување на заложниците и воспоставување политичка рамка за мир. Европската Унија е подготвена да придонесе за овој план со сите расположливи средства“, рече Калас.

Според неа, ЕУ е најголемиот хуманитарен донатор во Газа, основа нова Група на донатори за Палестина и останува најголем финансиски поддржувач на Палестинската самоуправа со 1,6 милијарди евра наменети за периодот 2025-2027 година.

ЕУ се обидува да добие улога во преодната влада на американскиот претседател Доналд Трамп за Појасот Газа, изјави Калас пред новинарите на маргините на состанокот. „Да, сметаме дека Европа има важна улога и дека и ние треба да бидеме вклучени во тоа“, рече таа, одговарајќи на прашањето дали ЕУ сака да учествува во Комитетот за мир на Трамп.

„Европската унија е еден од главните донатори на помош за Палестинците и има врски и со Палестинската самоуправа и со Израел, истакна Калас. „Мислам дека Европа не треба да биде само давател на средства, туку и активен учесник“, рече таа.

Калас нагласи дека ЕУ работи на мировен план и соработува со арапските партнери. „Тие разбираат дека е во интерес на сите да бидеме присутни, па се надеваме дека и Израелците ќе се согласат со тоа“, додаде таа.

Фото: принтскрин