Се стабилизира состојбата на 14-месечното бебе, кое викендов беше примено на КАРИЛ со крвавење во мозокот и тешки скршеници на коските на нозете. Од таму велат дека детето почнало само да дише и да се храни, а ако добро напредува во следните 24 часа, ќе биде префрлено на Детската клиника. Нозете на детето ќе бидат ставени во лонгета, а лекарите ги третираат и старите повреди што ги забележале на телото.

Полицијата истражува што се случило со детето, а случајот го презеде и Министерството за труд и социјала, од каде што велат дека се преземени сите мерки за заштита на детето додека трае истрагата. Неофицијално, на детето му е одреден старател, а социјалните служби не дозволуваат контакт на роднините со девојчето.

Неофицијално, жената и нејзиното бебе ги претепале неколку роднини на нејзиниот сопруг, кој е во затвор.

Пред два дена 20-годишната К.М. била примена на Ургентниот центар со видливи повреди со својата едногодишна ќерка која имала тешки телесни повреди. Мајката давала различни и контрадикторни изјави за тоа што се случило, а случајот веднаш бил пријавен во полиција.