Спорт
Луда трка во Силверстон, победи Фетел
Себастијан Фетел ја освои Големата награда на Велика Британија, пред Луис Хамилтон на Мерцедес и клупскиот колега Кими Раиконен. Германецот до победата дојде со време од 1:27:29.784 часа. За него ова е 51.победа во кариерата и на вечната листа се израм…


Себастијан Фетел ја освои Големата награда на Велика Британија, пред Луис Хамилтон на Мерцедес и клупскиот колега Кими Раиконен. Германецот до победата дојде со време од 1:27:29.784 часа. За него ова е 51.победа во кариерата и на вечната листа се израмни со легендата Алан Прост. Прв пат по 2013 година на патеката Силверстон не победи болид на Мерцедес.
Големата награда на Велика Британија мина во знакот на возачите на Ферари и Мерцедес, ја најави Фетел уште на стартот кога го мина Хамилтон, а потоа и Раиконен кој имаше контакт со Британецот.
Хамилтон излета од патеката се врати на последното место во поредокот на трката, а Раиконен доби казна од 10 секунди.

Иако на механичарите им се пожали дека му е оштетен задниот дел од болидот, Хамилтон за шест круга од последната се проби на шестата позиција.
Потоа по влегувањето на Фетел во боксот на лидерската позиција дојде Ботас, а Хамилтон стигна до третата позиција.
Ериксон во 33.круг излета од патеката поради што возачите возеа зад безбедносното возило, откако „сејфти карот“ замина од пистата, нов инцидент, во 38.круг, предизвикаа Гроажан и Саинц.
Откако безбедносното возило замина од патеката, започна уште една борба помеѓу возачите на Ферари и Мерцедес.

На пет круга до крајот Фетел и Хамилтон го минаа Ботас, а во наредниот круг пред возачот на Мерцедес излезе и Раиконен.
До крајот интересна беше само борбата за четвртото место помеѓу Ботас и Рикардо, но немаше измени во пласманот.
Бодови во Силверстон освоија уште Хилкенберг, Окон, Алонсо, Магнусен и Гисли.
Во пресрет на наредната трка Големата награда на Германија, на 22.јули, Фетел води со 171 бод, осум повеќе од Хамилтон. Меѓу конструкторите води Ферари со 287 бода, 20 повеќе од Мерцедес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона сака да го откачи Тер Штеген

Марк Андре тер-Штеген и Барселона полека, но сигурно влегуваат во „војната“. Германецот нема намера да ја напушти Каталонија, а и доколку го стори тоа ќе се обиде добро да го наплати.
Каталонските медуми, тврдат дека единствениот начин да се согласи на раскинување на договорот е Барселона да му ја исплати целата плата според договорот до 2028 година, што е дури 42 милиони евра.
Јасно е дека Барселона нема да прифати ваков вид уцена, а спортскиот директор Деко ќе се обиде да најде идеално решение за сите страни, што сигурно нема да биде лесно.
Огромната плата на Тер-Штеген е проблем за сите освен за клубовите од Саудиска Арабија, но Германецот одбива да ја напушти Европа бидејќи планира да се натпреварува на највисоко ниво до Светското првенство во 2026 година кога конечно ќе биде број 1 во националниот тим.
Тер-Штеген го сака Галатасарај, кој во моментов е најконкретен, Милан го контактираше, но засега тој се откажа поради превисоката плата, додека интересот на Манчестер јунајтед во моментов е нејасен.
Во случај Тер-Штеген да стане слободен, односно на крајот да се согласи да го раскине договорот, јасно е дека тогаш ќе има интерес од сите страни.
Спорт
Македонија лидер во Ј групата

Фото/ ffm.mk
Драматичната победа на Белгија во дуелот со Велс (4:3), го комплетираше јунскиот прозорец, во квалификациите за пласман на Светското првенство.
Македонија, вчера, со голот на Трајковски победи во Казахстан. Македонија ја предводи групата и веќе се јасни математиките за понатаму. Доколу сака да се пласира барем во баражот, Македонија не смее да загуби на гостувањата кај Велси и Белгија и се подразбира да ги победи Лихтенштајн и Казахстан на домашен терен.
Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.