Црна хроника
Единаесет сообраќајни незгоди во Скопје, четворица повредени и над 60 возила подигнати од „пајакот“
Во текот на вчерашниот ден на подрачјето на Скопје се случиле 11 сообраќајни незгоди, од кои една со тешки телесни повреди, три со телесни повреди и седум со материјална штета.
При сообраќајните незгоди едно лице добило тешки телесни повреди, а четири лесни телесни повреди. Санкционирни се 47 возачи поради возење со брзина поголема од дозволената. Дваесет возачи се исклучени од сообраќај: 18 од нив затоа што управувале возила, без да стекнат право за управување со возило, потоа еден возач бидејќи возел под дејство на алкохол и уште еден затоа што бил возач почетник.
Тројца возачи се санкционирани бидејќи поминале крстосница на црвено светло, петмина затоа што не дале првенство на минување на возила во зона на крстосница, а 11 возачи не користеле заштитен шлем. Покрај ова, 22 возила се исклучени од сообраќај бидејќи 20 биле нерегистрирани, а две поради техничка неисправност.
Во однос на пешаците санкционирани се шестмина пешаци што поминале коловоз надвор од пешачки премин и шестмина што поминале коловоз на црвено светло. Во текот на изминатиот ден издадени се 82 мандатни платни налога, а 61 возило се подигнати со „пајакот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Битола, приведен дилер
Вчера во 11.00 часот во Битола, полициски слушбеници од Одделението за криминалистичка полиција при СВР Битола го лишиле лицето 48-годишниот Г.Н. од Битола, извести МВР.
„При претрс во неговиот дом, извршен со судска наредба, биле пронајдени и одземени прашкаста материја, ампули апаурин и ампули диазепам“, велат од МВР.
Лицето било задржано во полициска станица и целосно документирање на случајот против него ќе биде поднесена соодветна пријава.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.