Спорт
Иванишевиќ: Вие Англичаните сте толку арогантни… Се враќате дома, но без титула
Хрватската тениска легенда Горан Иванишевиќ во интервју за „Би-би-си“ јасно посочи дека англиските навивачи се арогантни кога мислат дека ќе ја победат лесно Хрватска за место во финалето на Мундијалот.
Англичаните ќе се судрат со „коцкестите“ во среда…
Хрватската тениска легенда Горан Иванишевиќ во интервју за „Би-би-си“ јасно посочи дека англиските навивачи се арогантни кога мислат дека ќе ја победат лесно Хрватска за место во финалето на Мундијалот.
Англичаните ќе се судрат со „коцкестите“ во среда со надеж дека ќе стигнат до финалето на СП само вторпат во историјата, и првпат од 1966 година. Во Англија има вистинско „фудбалско лудило“, со јасната порака: „фудбалот се враќа дома“. Поранешниот шампион од Вимблдон, Иванишевиќ, кој во епско полуфинале во 2001 ги скрши британските срца со победа над Тим Хенман, вели дека е арогантно да се мисли дека се во финалето.
„Се надевам дека нема да загубиме од Англичаните, бидејќи вие веќе сте во финалето. Вие веќе победивте. Вие доаѓате дома. Го носите трофејот… Толку сте арогантни. Вие сте најдобрите, најубавите. Се враќате дома, но се надевам не со трофејот“, вели Иванишевиќ.
Пред да може да гледа фудбал, 46-годишниот Иванишевиќ, кој како тинејџер играше и фудбал за Хајдук, ќе мора да гледа малку тенис, бидејќи е тренер на Канаѓанецот Милош Раонич, кој игра четврт-финале на Вимблдон против Американецот Џон Изнер.
„Се надевам дека ќе игра порано, па ќе бидеме во паб со другите Англичани. Јас ќе останам последен и ќе се смеам“, вели Иванишевиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.