Спорт
Французите не се плашат од „ѓаволи“ – ќе го бркаат мундијалскиот трофеј (видео)
Франција е првиот финалист на Светското првенство во фудбал, и во недела ќе го брка вториот мундијалски трофеј, откако во натпревар со високо темпо со минимални 1:0 ги совлада инспирираните Белгијци.
Франција ќе го чека подобриот од утрешниот дуел меѓу…
Франција е првиот финалист на Светското првенство во фудбал, и в недела ќе го брка вториот мундијалски трофеј, откако во натпревар со високо темпо со минимални 1:0 ги совлада инспирираните Белгијци.
Франција ќе го чека подобриот од утрешниот дуел меѓу Англија и Хрватска (20:00 часот) во големото финале в недела на „Лужники“.
Талентот на младиот француски тим беше несомнен и во надигрувањето со својот сосед на моменти не беа подобри, но на крајот „четата“ на Дидие Дешам ќе оди на втора светска слава по 1998 кога Дешам како капитен на домашен терен го донесе трофејот.
За „златната генерација“ на белгискиот фудбал, ова е неуспех, посебно откако претходно успеаја да ги елиминираат првите фаворити Бразилците.
Натпреварот почна интензивно на двете половини од теренот, со повеќе шанси, но без реализација.
Азар во 6. минута влегува од левата страна и уфрла топка во петерецот, но Умтити е побрз од Лукаку. Белгија го има поседот, а Французите го дозволуваат тоа. Во 10. минута, Де Бројне го наоѓа Азар на левото крило, но Варан е побрз од ривалот.
Французите враќаат во 11. минута, кога Дембеле го наоѓа Мбапе во шестнаесетникот, но Белгијците се сигурни во одбраната. Франција и во 13. минута имаше добра шанса преку Погба, кој упатува пребрза топка за Мбапе.
Потоа следуваат две одлични шанси а Белгија. Де Бројне го наоѓа Азар во 16. минута, кој удира од 15 метри покрај голот. Во 19. минута, Азар повторно шутира, но Варан блокира на време.
Тоби Алдервирелд упатува вистинска „бомба“ во 22. минута, но Љорис има фантастична одбрана. Во 31. минута, Гризман од слободен удар го наоѓа Жиру, кој со глава погодува блиску до голот. Гризман повторно е во шанса две минути подоцна.
Најдобрата шанса во првото полувреме, Франција ја има преку Павар во 40. минута, кога Куртоа со одлична реакција спасува гол.
Французите дојдоа во водство во 51. минута, кога по корнер, Умтити е повисок од Фелаини и го совладува Куртоа.
Само шест минути подоцна, можеби најубавиот потег на натпреварот – со брзи додавања, вклучувајќи ја и петата на Мбапе, топката доаѓа до Жиру, но неговиот обид е блокиран.
Белгија фрла сѐ за нападот – Мертенс го менува Дембеле. Во 65. минута, Мертенс уфрла одличен центаршут, но Фелаини со глава удира блиску до голот. Во 81. минута, Витсел со фантастичен удар од 25 метри го тестира Љорис. Во 88. минута, по нафрлањето на Де Бројне, голема мешаница во шестнаестникот, но без резултат.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.
Спорт
(Видео) Порту ја растури Барселона, Реал ја освои титулата во Шпанија
Фудбалерите на Џирона ја победија Барселона во 34.коло со 4:2 и го промофираа Реал Мадрид во нов шампион на Шпанија. На четири кола до крајот на сезоната Реал има 13 бодови повеќе од Џирона и 14 од Барселона.
Џирона втор пат сезонава во каталонското дерби ја победи Барселона. На „Монтоливи“, вечерва избраниците на Мичел славеа со пресврт.
Кристенсен погоди за Барселона во третата, а во четвртата минута изедначи Довбик со својот 17.коло во Примера. Втор пат во историјата на Примера се случива двата тима да постигнат по гол во првите пет минути.
До крајот на полувремето, во 46.минута), Левандовски направи пресврт и Барса со 1:2 замина на одмор.
Второто полувреме мина во знакот на Порту. Крилниот напаѓач на Џирона, во само девет минути ја креираше победата на својот тим. Во 65.минута изедначи на 2:2, потоа у асистираше на Гутиерез, а во 74.минута со својот втор гол стави точка на натпреварот.
Спорт
(Видео) Покер голови на Халанд, Сити го декласира Вулверхемптон
Фудбалерите на Манчестер сити на домашен терен го декласираа Вулверхемптон со 5:1, во 36. коло од англиската Премиер лига.
Блескаше Ерлинг Халанд кој постигна четири гола за домашниот тим (два од пенал). Сакаше да го постигне и петтиот поради што беше видно незадоволен и негодуваше во моментот кога Пеп Гвардиола реши да го замени во 82. минута.
Со оваа победа „Граѓаните“ ја задржаа пол-позицијата во борбата за титулата со Арсенал. На две кола пред крајот тимот од Лондон има бод повеќе, но Сити има меч помалку и доколку ги победи Фулам и Тотенхем на гости, а Вест Хем дома, ќе ја одбрани титулата шампион на Англија без разлика на резултатите на Арсенал, кој ќе гостува кај Манчестер јунајтед и ќе го пречека Евертон во последното коло.
Денеска избраниците на Пеп Гвардиола ја завршија работата во првото полувреме кое го одиграа во прилично лесен ритам и го решија во своја корист со 3:0, благодарение на хет-трикот на Ерлинг Халанд.
Во вториот дел Хванг намали на 3:1, но Халанд само 60 секунди подоцна му ја врати на Сити преднста од три гола. До крајот замената на Халанд, Хулијан Алварез во 84.минута го постави конечниот резултат.