Победата на Џорџ Расел, првиот подум за 18-годишниот Андреа Кими Антонели и сударот на болидит на Мекларен ја обележаа трката за Големата награда на Канада.

Ландо Норис не ја заврши трката во Монтреал, откако се удри во тимскиот колега Оскар Пјастри во 66.круг.

Тој го оштети автомобилот, а Пјастри ја продолжи трката и го освои четвртото место. Норис сега е 22 бода зад Пјастри на второто место во шампионатот.

„Не очекував да го пресминам Оскар од надворешната страна во првата кривина. Едноставно не требаше да се обидам. Мислев дека почна малку да свртува десно, па мислев дека имам мала шанса да свртам лево. Но, беше преголем ризик, особено за мојот колега. Среќен сум што ништо не му се случи. Ја платив цената за мојата грешка“, рече Норис.

Мекларен им дозволува на своите возачи да се борат еден против друг, а двајцата се претенденти за шампионатот, заедно со Макс Ферстапен од Ред Бул, кој заврши втор во Монтреал зад Џорџ Расел од Мерцедес.

Пјастри е прв со 198 поени, Норис има 176, а Верстапен 155 поени.

„Нашето прво правило е да нема контакт со тимскиот колега, а јас го наоравив токму тоа. Мекларен е моето семејство. Се тркам за нив, секој викенд. Па кога ќе ги разочарам вака и ќе направам будала од себе, како сега, многу се каам“, рече Норис.

Ландо веднаш по завршувањето на трката му се извини на Пјастри (додека Австралиецот даваше изјава), ја прифати и на тој начин на некој начин ја зачува добрата атмосфера во тимот.

Full footage of the battle between Lando Norris and Oscar Piastri that ended in a crash!#F1 #Formula1 #CanadianGPpic.twitter.com/VI37PJQjg4

— Extreme Cars (@extremecars__) June 15, 2025

Шпанскиот тенисер Карлос Алкараз призна дека сè уште не му е јасно како успеал да го освои Ролан Гарос.

Минатата недела Алкараз стана третиот најмлад тенисер со пет Гренд слем титули, откако го победи Јаник Синер по пет сета и пет и пол часа игра.

Италијанецот имаше три меч топки при 2:1 во сетови, Алкараз волшебно се извлече, го доби четвртиот сет, а потоа во супер тај-брејкот во петтиот сет успеа да победи.

„Сè уште го гледам мојот телефон, медиумите и ги гледам снимките од дуелот против Синер и како успеав да ги спасам меч топките. Навистина не разбирам како победив. Сè уште сум во шок кога сфаќам што успеав. Сè уште не сум целосно свесен дека сум шампион на Ролан Гарос“, рече Алкараз.

По Париз, тој се упати кон Ибица.

„Беше забавно, три дена и три ноќи. Доволно. Искрено, бев таму повеќе ментално отколку физички. Најлудото нешто што го направив беше што останав надвор многу доцна. Танцував малку, но ништо повеќе од другите“, заклучи Алкараз.

Неговата следна станица е Квинс, каде што ќе биде првиот носител.

Порто и Палмеирас ремизираа без голови во А групата, а Ботафого во Б групата, го победи Сиетл со 2:1, во првото коло на Светското клупско првенство.

Фудбалерите на Порто не успеаја да ја потврдат доминацијата на Европејците на почетокот од Светското клупско првенство.

„Змејовите“ едвај избегнаа пораз против бразилскиот Палмеирас (0:0) во вториот натпревар од Групата А.

Бразилците покажаа заби, доминираа во овој натпревар, но португалскиот голман Клаудио Рамос беше непремостлива пречка.

Гоманот, кој со години му е резерва на Диого Кошта, имаше неколку неверојатни одбрани и му помогна на Порто да освои бод.

По првото коло во А групата, сите четири екипи во групата имаат по еден бод, бидејќи Интер Мајами и египетскиот Ал Ахли ремизираа без голови на отворањето на турнирот.

Вториот бразилски претставник, Ботафого, го отвори првенството со важна победа.

По голема борба, црно-белите го „скршија“ Сиетл со 2:1 во група во која апсолутни фаворити се Пари Сен Жермен и Атлетико Мадрид. Бразилскиот тим стигна до огромни три бода со головите на Жаир Куња и Игор Жезуз во првото полувреме.

На 15 минути пред крајот на натпреварот, Кристијан Ролдан им даде надеж на „Сондерс“ дека можеби ќе успеат да освојат бод, имаа целосна контрола на крајот, но не успеаја да стигнат до израмнување.

28’ |⚽| GOOOOAL, Jair Cunha heads it in for Botafogo's first goal of the FIFA Club World Cup 🔥

WATCH @Botafogo – @SoundersFC in the @FIFACWC now | June 14 – July 13 | Every Game | Free | https://t.co/i0K4eUtwwb | #FIFACWC #TakeItToTheWorld pic.twitter.com/NigUINEZvH

— DAZN Football (@DAZNFootball) June 16, 2025

44’ |⚽| GOOOOAL, another header from Botafogo, Igor Jesus makes it 2!

WATCH @Botafogo – @SoundersFC in the @FIFACWC now | June 14 – July 13 | Every Game | Free | https://t.co/i0K4eUtwwb | #FIFACWC #TakeItToTheWorld pic.twitter.com/n7B4LQwhTZ

— DAZN Football (@DAZNFootball) June 16, 2025

Со оваа победа, Ботафого се стави во добра позиција да се бори за место во втората фаза во веројатно директен дуел со Атлетико, по поразот на „јорганџиите“ од ПСЖ.