Регион
Вучиќ: Албанците се обидуваат да добијат сѐ, додека ние бараме компромис

Високата претставничка на ЕУ за надворешна политика, Федерика Могерини, и претседателите на Србија и Косово, Александар Вучиќ и Хашим Тачи, разговараа денеска во Брисел за напредокот на дијалогот во однос на нормализација на односите меѓу двете земји.
Српскиот претседател денешните разговори во Брисел ги оцени како комплицирани и додаде дека Албанците се обиделе да добијат сѐ, додека српската страна се обидувала да изнајде компромис.
„Постојат две работи околу кои постигнавме согласност, а тоа е дека ќе продолжиме да разговараме и да пронајдеме компромисно решение, како и дека ќе ги чуваме мирот и стабилноста во односите меѓу Белград и Приштина“, изјави Вучиќ во Брисел.
На прашање на странски новинар дали Белград е подготвен да ја прифати независноста на Косово, Вучиќ праша што би било компромис во таков случај.
„Тоа не функционира така. Мораме да седнеме заедно и да се обидеме да постигнеме компромис околу многу важни прашања“, рече Вучиќ.
Од друга страна, косовскиот претседател, Хашим Тачи,по состанокот во Брисел истакна дека не постои компромис за прашањето за независноста на Косово. Тачи оцени дека денешниот состанок со Вучиќ бил најтежок во последните шест години колку што се води дијалогот Косово-Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.
Регион
Син до смрт ја претепал мајка си во Никшиќ: ја удирал жената по главата, нозете и рацете

Службеници на Одделот за безбедност во Никшиќ го уапсиле С.Г. (59) поради сомнение дека ѝ нанел тешки телесни повреди на својата мајка М.Г. во семејниот стан во Никшиќ. (85), како резултат на што таа починала.
– На 10 јуни 2025 година, дежурната полициска служба била известена од персоналот на Општата болница во Никшиќ дека кај нив е донесена жена со повреди на главата. М.Г. веднаш била префрлена во Клиничкиот центар на Црна Гора, каде што починала денес, пренесува Рина“изјава од полицијата.
За случајот веднаш бил известен државниот обвинител на Вишото државно обвинителство во Подгорица, кој наредил да се спроведе истрага во станот каде што живееле заедно мајката и синот.
Полицијата утврдила дека С.Г. ѝ нанел повеќекратни повреди на рацете, нозете и главата на мајката. Лекарите ги окарактеризираа повредите како тешки, опасни по живот.
За новите околности бил информиран надлежниот обвинител, кој утврдил дека овој случај содржи елементи на кривично дело – тешко убиство. С.Г. бил уапсен по наредба на обвинителот.
Обвинителот наредил и обдукција на телото на починатата, која ќе се изврши во текот на денот.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.