Спорт
Судењето на Модриќ префрлено во Загреб
Врховниот суд на Хрватска решил судењето на Лука Мадриќ да го премести од Осиек во Загреб. На Модриќ му се суди поради лажно сведочење на судењето на поранешниот висок функционер на Динамо Загреб, Здравко Мамиќ.
Обвинението пртив Модриќ е покренато во …
Врховниот суд на Хрватска решил судењето на Лука Мадриќ да го премести од Осиек во Загреб. На Модриќ му се суди поради лажно сведочење на судењето на поранешниот висок функционер на Динамо Загреб, Здравко Мамиќ.
Обвинението пртив Модриќ е поведено во март оваа година пред Општинскиот суд во Осиек, каде што се водеше и постапката против Мамиќ, кој пред еден месец е осуден на шест и полгодишна затворска казна.
Врховниот суд го прифатил барањето на адвокатите на Модриќ судењето да се префрли во Загреб бидејќи тој има живеалиште во Загреб.
Се очекува оваа есен да биде закажана седница на обвинителството, кое треба да го потврди обвинението против Модиќ, да го отфрли или да го врати на доработка.
Обвинителството во Осиек го товари 32-годишниот Модриќ дека на 13 јуни минатата година на судењето на Мамиќ и на тројцата негови соработници свесно изнел невистини поврзани со анексот на договорот за професионално занимавање со фудбалот, со кој се регулирала поделбата на парите од трансферот.
Според тој анекс, парите од трансферот на Модриќ требало еднакво да бидат поделени помеѓу него и клубот. Таков анекс тој потпишувал секогаш кога ќе го продолжел договорот, а поради наводна измена на банкарската сметка, тој потпишал уште еден анекс кога веќе заминал од Динамо во Тотенхем.
Според обвинителството, Модриќ не ја кажувал вистината бидејќи сите анекси ги потпишал откако се преселил во новиот клуб, при што целиот износ од трансферот му припаднал на клубот.
Обвинителството смета дека Модриќ го сменил исказот за да му помогне на Здравко Мамиќ.
Инаку, Здравко Мамиќ, неговиот брат Зоран, поранешниот директор на Динамо, Дамир Врбановиќ, и даночниот инспектор Милан Пернар, се осудени дека го оштетиле Динамо 15,5 милиони евра, а буџетот на Хрватска 1,6 милион евра.
Здравко Мамиќе е осуден на шест и полгодишна затворска казна, Зоран Мамиќ на четири години и 11 месеци, Дамир Врбановиќ, кој е извршен директор на Фудбалскиот сојуз на Хрватска, на три години, а Милан Пернар на четири години и два месеца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.