Свет
Магазинот „Тајм“ повторно го провоцира Трамп
Втор месец по ред магазинот „Тајм“ на насловната страница става провокативна илустрација од претседателот на САД, Доналд Трамп.
Овој пат лицата на американскиот претседател и неговиот руски колега Владимир Путин се графички поврзани во еден лик.
For the second month in a row, Time magazine has put a provocative photo illustration of President Trump on its cover — this time, morphing him into Russian President Vladimir https://t.co/BeNj16dU7n pic.twitter.com/tqfUulRXwN
— CNN International (@cnni) July 20, 2018
Во ваквата комбинација на лицата, препознатливата коса, веѓите и обликот на устата на Трамп се поврзани со носот и сините очи на Путин.
„Фотографската илустрација е дело на визуелната уметница Ненси Барсон и одбележува еден специфичен момент во американската надворешна политика, по историскиот состанок меѓу Трамп и Путин во Хелсинки“, наведува Си-ен-ен.
И претходната насловна страница на „Тајм“ предизвика многу контроверзии во американската јавност бидејќи Трамп беше претставен надвиснат над мало девојче, илегална мигрантка од Мексико, едно од најмалку 2 500-те деца одвоени од своите родители поради миграциската политика на американскиот претседател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.