Спорт
Мамиќ за Модриќ, Ловрен, Ковачиќ: Од бегалци направив милионери
Здравко Мамиќ, нај контроверзната личност на хрватскиот фудбал е лут бидејќи никој не се сетил на него, во моментите кога Хрватска го прослави најголемиот фудбалски успех во историјата. Хрватите, пред една недела, го освоија второто место на Светското …


Здравко Мамиќ, нај контроверзната личност на хрватскиот фудбал е лут бидејќи никој не се сетил на него, во моментите кога Хрватска го прослави најголемиот фудбалски успех во историјата. Хрватите, пред една недела, го освоија второто место на Светското првенство. Во финалниот меч Хрватска беше поразена од Франција 2:4.
Осовината на оваа хрватска репрезентација ја сочинуваат играчи што во минатото беа застапувани токму од Мамиќ. Поранешниот претседател на Динамо Загреб вели дека тој е заслужен за нивните кариери бидејќи од „бегалци успеал да направи милионери“.
„Во Динамо сум 48 години. Велеа дека сум најмоќниот човек во хрватскиот фудбал. Меѓутоа, неспорно е дека ова е кулминација на нашиот успех, низ базата што ја создадовме. Па јас деца какви што беа Модриќ, Ловрен, Ковачиќ, Чорлука ги донесов како бегалци од Босна и Хрцеговина. Тоа е факт. Видете јас тие момци ги направив милионери. Им бев како татко. И сега ништо. Сите на некого му искажуваа благодарност, а мене не никој не ме спомнува. Никој не се сети на Шукер и Мамиќ. Морам да бидам искрен и да кажам, владее страв. Не смеат да не спомнат, бидејќи поеднци во тој случај би биле напаѓани и критикувани“, рекол Мамиќ во интевју за „Дневни аваз“.
Мамиќ е осуден на затворска казна од шест и пол години, поради малверзации при продажба на фудбалери. Во моментот кога му беше изречена пресудата тој избега во Босна и Хрцеговина.
Во интервјуто тој рекол и дека му се подготвува киднапирање и истакнал дека не се точни шпекулациите дека тој се подготвува да го смени селекторот на фудбалската репрезентација, Златко Далиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Македонските едриличари настапуваат на Балканското првенство во Несебар

Едриличарската Федерација на Македонија ќе ја претставува нашата земја на 53-тото Балканско првенство во едрење за олимписки класи и Оптимист, што ќе се одржи во Несебар, Бугарија.
Настанот, во организација на Бугарската едриличарска федерација и Општина Несебар, ќе ги собере најдобрите едриличари од балканските земји кои ќе се натпреваруваат во класите Optimist, ILCA 4, ILCA 6 и Finn.
Натпреварите ќе се одвиваат од 17-ти до 19-ти Октомври, планирано е одржување на максимум девет трки во секоја класа, а завршната церемонија и доделувањето на медалите ќе се одржат на 19 октомври.
„Балканското првенство е еден од позначајните настани за нашиот спорт и претставува можност македонските едриличари да ги измерaт своите сили со најдобрите од регионот во конкуренција на голем број светски и европски прваци. Нашата репрезентација се состои од вкупно 13 натпреварувачи во машка и женска конкуренција, како во младинска така и во сениорска конкуренција. Нашата цел е преку вакви настапи да им овозможиме континуиран развој, искуство и меѓународна афирмација“ изјавија од Едриличарската Федерација на Македонија.
Балканското првенство е дел од официјалниот календар на европски и регионални регати, дел од календарот на Светската едриличарска федерација и претставува важен чекор во развојот на младите таленти и афирмацијата на олимписките дисциплини.
Со ова учество, Едриличарската федерација на Македонија го продолжува континуитетот на активно претставување на меѓународната сцена, после Светското Првенство во Словенија и Европоското Првенство во Полска, а со цел унапредување на спортот едрење и промоција на македонските спортисти и нашата земја.
Спорт
Ламин Јамал почна да наплаќа за автограм

Ламин Јамал без конкуренција е првата ѕвезда на шпанскиот фудбал, но не се труди многу да ги избегне светлата на големата сцена и реакциите на јавноста.
Јамал се најде во центарот на вниманието со одлуката дека повеќе нема да дава автограми на деца, освен ако не платат за тоа.
Иако и самиот се уште е момче, 18-годишен тинејџер, под изговор на капитализам и најголем можен профит, реши да ангажира специјализирана страница за колекционери преку која ќе го продава својот потпис.
Тој доби понуда, објавува „Мундо Депортиво“, која ја прифати и ништо повеќе нема да биде бесплатно кај него.
Уште повеќе, тој дури нема да дава премногу автограми, бидејќи колку помалку има, толку се повредни и поскапи.
Ова не е ново во светото на спортот, ново е во Европа. Леброн Џејмс и Лионел Меси го прават тоа во САД.
Наводно, ѕвездата на ЛА Лејкерс, Џејмс, од еден продаден автограм за работува и до 15.000 долар
Спорт
(Видео) Манасков го постигна голот на колото во ЛШ

Поранешниот македонски репрезентативец, Дејан Манасков, го постигна најубавиот гол во петтото коло, во Лигата на шампионите.
Еурофарм Пелистер, во средата загуби од Барселона во Битола со 30:34. Манасков голот на колото го постигна во последната минута. Тоа беше цепелин, додавање од голманот Митревски, а левото крило на Еурофарм Пелистер погоди од невозможен агол.
Foto/ facebook.com/hceurofarmpelister
🔥 𝙏𝙊𝙋 5 𝙂𝙊𝘼𝙇𝙎 – Round 5 powered by Gorenje!
1️⃣ Dejan Manaskov – HC Eurofarm Pelister
2️⃣ Mathias Gidsel – Füchse Berlin
3️⃣ Martim Costa – Sporting Clube de Portugal
4️⃣ Lazar Kukic – OTP Bank-PICK Szeged
5️⃣ Felix Claar – SC Magdeburg#ehfcl #CLM #handball pic.twitter.com/ZVZpxxXnmg— EHF Champions League (@ehfcl) October 17, 2025