Спорт
Езил се повлече од германската репрезентација
Фудбалерот на Арсенал, Месут Езил, објави дека повеќе нема да ира за репрезентацијата на Германија.
„Со тешко срце и по долго размислување решив повеќе да не игра за репрезентацијата на Германија. Чуствувам расна нетрпеливост и непочитување“, наведува …
Фудбалерот на Арсенал, Месут Езил, објави дека повеќе нема да ира за репрезентацијата на Германија.
„Со тешко срце и по долго размислување решив повеќе да не игра за репрезентацијата на Германија. Чуствувам расна нетрпеливост и непочитување“, наведува Езил во своето соопштение.
Тој истакнал дека исклучително тешко му било да ја донесе оваа одлука.
„Некогаш го носев дресот на Германија со гордост и возбуда, повеќе не. Беше исклучително тешко да се донесе оваа одлука, бидејќи секогаш сум давал се за своите соиграчи, тренерите и добрите луѓе во Германија. Но кога високите функционери на Фудбалскиот сојуз се однесуваат кон мене онака како што се однесуваа, кога не ги почитуваат моите турски корени и себично ме користат во политичка пропаганда, тогаш навистина е доста. Расизмот никогаш не смее да биде прифатен“, пишува Езил во своето соопштение.
Езил се најде на удар на германската јавност откако во екот на претседателската кампања во Турција, се сликаше заедно со соиграчот од репрезентацијата Илкај Гундоган, со првиот човек на турската држава Реџеп Таип Ердоган.
Гундоган за разлика од Езил, веднаш се дистанцираше од евентуалните врски со турскиот претседател.
По критиките во јавноста, тој само рекол дека повеќе нема да разговара со медиумите, поради што стручниот штаб на репрезентацијата му дозволи да не биде присутен на денот на медиумите пред националниот тим да замине на Светското првенство.
Некои од политичарите во Германија почнаа да се сомневаат во лојалноста на Езил и Гундоган и бараа тие да бидат исфрлени од репрезентацијата.
Германија учеството на Светското првенство го заврши во фазата по групи со една победа и два порази, а по елиминацијата бројни медиуми и стручњаци коментираа дека, тоа што Езил бил во составот е најголемата грешка на селекторот Јоаким Лев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Клоп се жали на распоредот: Криминал е ова што ни го прават
Пренатрупаниот распоред на натпревари го натера менаџерот на Ливерпул, Јирген Клоп, уште еднаш да проговори на оваа тема. Германецот кој си заминува од Ливерпул на крајот на сезоната застана во одбрана на своите играчи и рече дека само чека агенцијата за заштита на човековите права да интервенира во креирањето на распоредот.
„Распоредот е апсолутно луд. Не е нормално Ливерпул да игра натпревар во сабота во 12:30. Никогаш повеќе нема да ја гледам телевизијата ТНТ (го емитува овој натпревар). Мора да играме четврток, недела, среда и сабота во 12:30 часот ова што ни го прават е криминал“, изјави Клоп.
Ливерпул е тим со голем број навивачи ширум светот и затоа игра во посебни времиња, што е прилагодено на носителите на телевизиските права. Избраниците на Клоп доживеаја серија неуспеси, поради што речиси отпаднаа од трката за шампионската титула.
Спорт
Модриќ мора да се прифати два услови доколку сака да остане во Реал
Лука Модриќ има договор со Реал до крајот на сезоната и се уште не е познато каде ќе игра 38-годишниот играч за врска следната сезона. Желбата на Модриќ е да остане во Реал, но има голем број понуди од други клубови.
Капитенот на хрватската репрезентација го бараат Динамо, саудиски клубови, екипи од МЛС лигата, а се почесто се зборува и за интересот на Јувентус.
Карлос Карпио, новинар на „Марка“, откри дека Модриќ мора да прифати два услови доколку сака да остане во Реал. Мора да прифати да биде резерва и да прифати значително намалување на платата. Модриќ наводно заработува околу 20 милиони евра по сезона.
„Се сомневам дека ќе остане во Реал, но ако остане, тоа ќе биде со помала плата. Модриќ не прифати добро ниту една одлука на Анчелоти да биде резерва. Легендите никогаш не се послушни замени“, вели Карпио.
Модриќ сезонава забележа 40 настапи, два гола и шест асистенции. Хрватото во Реал пристигна во 2012 година од Тотенхем за 35 милиони евра.
Спорт
„Роналдо во Јувентус сакаше да покаже дека е посилен од Реал Мадрид“
Еден од легендарните фудбалери на Јувентус, Џорџо Кјелини, во интервју за домашен подкаст зборуваше за времето кога Кристијано Роналдо пристигнал во Торино. Летото во 2018 година, Роналдо за 117 милиони евра од Реал пристигна во Јувентус.
„Неговиот карактер во тешките моменти ме импресионираше. За време на неговата прва година во Јувентус сакаше да го стресе целиот свет и да им покаже на сите дека е поголем од целиот Реал Мадрид“, изјави Кјелини за подкастот „БСМТ“.
Сезоната беше таква што Јувентус ја имаше можеби најголемата шанса да дојде до европската титула, на крајот сето тоа заврши со елиминација од Ајакс веќе во четвртфиналето.
„Немавме среќа со повреди и тој пораз од Ајакс навистина тешко ни падна. Да го поминевме Ајакс и да стигневме до финалето, Роналдо ќе не водеше до титулата“.
Кјелини не крие дека годините полека го земале данокот на играта на Кристијано, но дека тоа не е главната причина поради која Јувентус речиси 30 години нема титула во Лигата на шампионите.
„Во следната сезона падна квалитетот во неговата игра, поради годините повеќе не можеше да го носи тимот на својот грб. Тој беше црешата на врвот на тортата, но му недостасуваше поголема торта“.
И покрај ова, Кристијано го заврши престојот во Јувентус со две Скудета, два Суперкупа на Италија и еден Куп. Тој постигна 101 гол на 134 натпревари и стана 14-ти најефикасен стрелец во историјата на клубот.
„Го ценивме неговиот напор и посветеност. Тој е мултинационален играч, но одлично се вклопи во тимот. Не е како другите и не може да биде. Не можеше да бараш од него да одите на ручек, но на теренот никогаш не разочара. Дури ни на тимските вечери. Имаше почит кон сите, беше опседнат да се грижи за своето тело и како да го сочува што подолго. И денес сака да постигнува голови, да победува и да освојува трофеи. Ми беше чест да бидам негов капитен во Јувентус и да живеам дел од мојата кариера со таков шампион“, изјави Киелини.