Македонија
Грабежот е мантра на ВМРО-ДПМНЕ, украдените пари ќе се вратат во буџетот, порачува СДСМ
![](https://makfax.com.mk/wp-content/uploads/2018/05/133-700x350.jpg)
Измислените скандали и лажните наводи на ВМРО-ДПМНЕ нема да го скријат фактот дека токму оваа партија 11 години ги крадеше граѓаните заради енормно богатење на фамилијата преку коруптивни зделки, наместени тендери и договорени провизии. Грабежот е политичка мантра на ВМРО-ДПМНЕ, но тоа заврши со промената на власта, порача СДСМ.
Според оваа партија, ВМРО-ДПМНЕ знае дека најголемите криминалци се дел од фамилијата што изнесе милијарди евра надвор од државата додека граѓаните тонеа во сиромаштија, но исто така треба да знае дека парите стекнати на незаконски начин ќе бидат вратени назад во буџетот, назад кај граѓаните.
„Македонија расчистува со криминалот на ВМРО-ДПМНЕ и чекори напред. Од заробена, сиромашна и изолирана држава, денес Македонија е слободна и напредна држава, пријател на демократскиот свет. Ѝ се допаѓало тоа или нe на ВМРО-ДПМНЕ, успесите на Македонија се препознаени и денес државата одлучно чекори кон влез во НАТО и почеток на преговорите со ЕУ. Граѓаните ги поразија погубните политики на ВМРО-ДПМНЕ, ќе го поразат и нејзиното деструктивно однесување, граѓаните велат ‘да’ за македонската иднина“, се вели во соопштението на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Бобан Николовски ја презеде функцијата директор на Царинска управа
![](https://makfax.com.mk/wp-content/uploads/2024/07/boban-nikolovski-carina-3.jpg)
Бобан Николовски денеска ја презеде функцијата директор на Царинска управа од својот претходник Стефан Богоев, кој на оваа позиција беше од јуни минатата година.
„Спроведување реформски мерки и политики за постигнување висок и одржлив економски раст, борба со криминалот и сузбивање на корупцијата и сивата економија, предвидливо даночно и регулаторно опкружување и намалување на парафискалните давачки за компаниите како и целосна дигитализација и СМАРТ Царина како дел од владините приоритети за смарт Македонија, се само дел од нашите цели“, порачува Николовски.
Николовски е вработен во Царинската управа веќе 15 години, а на функцијата директор доаѓа од позицијата пратеник во македонското Собрание.
Македонија
Филипче: Силно ќе се спротивставам на оние кои сакаат да ја ослабнат СДСМ и да ја видат на колена
![](https://makfax.com.mk/wp-content/uploads/2024/07/venko-filipche.jpg)
Новоизбраниот претседател на СДСМ, Венко Филипче, во обраќањето до сопартијците се заблагодари за дадената поддршка.
„Во СДСМ победи професионализмот, емпатијата, грижата за луѓето како мои основни вредности по кои ќе работи и функционира Социјалдемократскиот Сојуз на Македонија. Ветувам дека нема да делам туку ќе обединувам. Ветувам дека ќе водам со пример и тоа ќе го барам од секој во партијата. Ветувам дека силно ќе се спротиставам на оние кои сакаат да ја ослабнат партијата на сметка на личниот интерес. Ветувам дека ќе го заштитам и слушнам секој член и на секому ќе му дадам глас. Ветувам дека СДСМ ќе биде приземна, отворена и модерна партија подготвена за предизивиците кои следат“, рече Филипче.
Додаде дека многумина сакаат да ја видат СДСМ клекната и поразена и се надеваат дека партијата нема да опстане и се ситат на изборниот пораз.
„Ветувам дека ќе го вратиме достоинството на партијата, а они кои се надеваат на лоша иднина на партијата, длабоко ќе се разочараат“, потенцираше Филипче.
Како што додаде, принципите на заедништво, другарство, взаемна почит и отворена комуникација се оние кои ќе ја одликуваат СДСМ под неговото раководство.
Во своето обраќање, Филипче истакна дека СДСМ ќе дејствува како силна опозиција којашто ќе се бори против лошите политики на власта и секогаш ќе биде гласот на разумот и на граѓанската волја која ќе биде заштитена доколку е погазена.
Скопје
Минатата недела санкционирани 203 непрописно паркирани возила на територија на општина Центар
![](https://makfax.com.mk/wp-content/uploads/2024/07/poc-pajak.jpg)
ЈП Паркинзи на Општина Центар и Општина Центар во соработка со Сообраќајната полиција-Скопје минатата недела санкционираа 203 непрописно паркирани возила кои го попречувале нормалното и безбедно одвивање на сообраќајот.
„Во периодот од 24.07. до 30.07.2024 година, со помош на специјалните возила „Пајак“ на ЈП ПОЦ отстранети се 102 непрописно паркирани возила, а со поставување на механичко средство „Блокатор“ санкционирани се 101 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, соопшти ПОЦ.
ЈП ПОЦ и Општина Центар континуирано ќе ја спроведуваат оваа мерка со цел да се доведе во ред сообраќајниот хаос и проблемот со непрописното паркирање на комерцијалните и резидентните паркиралишта и улици на територија на општина Центар.