Регион
(Видео) Најмалку 50 лица загинаа, а 150 се повредени во огнената стихија кај Атина
Најмалку 50 лица загинаа, а 150 се повредени во огнената стихија што ја зафати околината на грчкиот главен град Атина. Меѓу жртвите има и деца. Станува збор за најголемите пожари што ја погодија Грција во изминативе десет години.
Шумските пожари избувнаа во западниот и источниот крај на Атина по високите температури од над 40 Целзуисови степени и силниот ветер. Пожарникарите соопштија дека имало и над 150 повредени, некои од нив потешко и оти може бројот на жртвите да биде поголем. Грчкиот премиер Алексис Ципрас ја прекина посетата на Босна и Херцеговина и се врати во земјата, при што побара помош од Европската Унија и војската.
;
Повредени се повеќе од стотина возрасни лица, од кои 11 сериозно, како и 16 деца. Загинатите се во источниот дел на областа Атика, каде што некои од луѓето, поради брзото ширење на пожарот, биле заглавени во своите автомобили и домовите, а за други причината за смртта е давење кога спас од огнената стихија побарале во морето.
Во Грција постои стравување дека во текот на денот ќе се зголеми бројот на жртвите.
Цела ноќ, до рано утрово, траеше акцијата за спасување на луѓето заглавени на плажите во месноста Рафина, во источниот дел на областа Атика. Со приватни чамци и бродови, со бродови од редовните линии меѓу Атина и грчките острови, со фрегата и воени бродови од Министерството за одбрана на Грција и на грчката крајбрежна служба се спасуваа граѓани по морски пат.
Во гаснењето на пожарите учествувале над 600 пожарникари со над 400 возила, 7 „канадери“ и 10 хеликоптери. Активни беа 3 жаришта, а утрово пожарот, иако е ставен под контрола, сè уште не е целосно изгаснат.
Според заменик-министерот за поморство, Некатариос Санторињос, 639 лица биле спасени, а според министерот за одбрана на Грција, воената фрегата „Ели“ спасила 72 лица.
Грција побара меѓународна помош преку механизмот на ЕУ, позитивно одговориле Шпанија и Кипар, а помош ќе добие и од САД по упатеното барање од министерот за одбрана.
Грчкиот премиер ја прекина посетата на Босна и Херцеговина и не учествуваше на манифестацијата во Мостар и итно се врати во Атина. Кусо пред полноќ Алексис Ципрас го посети Центарот за справување со кризи на грчката противпожарна служба, каде што со министрите од владата одржа состанок и беше информиран за ситуацијата и рече дека е тоа тешка ноќ за Грција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два месеци од исчезнувањето на Данка Илиќ – телото сè уште не е пронајдено, таткото на осомничениот за убиство од денес на слобода
Двегодишната Данка Илиќ исчезна на 26 март во населбата на Бањско Полје, во Бор, а нејзиниот случај не доживеа целосен епилог. Имено, дури и по признанието на двајцата работници на ЈКП „водоснабдување“ дека девојчето го убиле и го фрлиле телото на блиската депонија, нејзиното тело сè уште не е пронајдена.
Десет дена по интензивното пребарување, работниците на ЈКП за кои постојат сомненија дека го убиле девојчето беа уапсени. Тие се во притвор од 6 април заради опасност од бегство, можноста да влијаат на сведоците и да уништат или отстранат траги од извршениот криминал, како и јавно вознемирување.
И таткото на Д.Д кој беше во притвор денес излегува на слобода, затоа што за кривичното дело за кое е осуден , притворот не може да трае подолго од два месеци. Инаку е осомничен дека му помогнал на својот син да го премести телото на девојчето, а од денес добива шанса да се одбрани од слободата.
Во понеделникот, беше испрашан и директорот на ЈКП „Водод“ кој поднесе оставка по убиството, како и мештанин од селото Лука.
До обвинителството сè уште не е доставено докази за трагата на движење на возилата, кои, како што се осомничени, го убиле девојчето и сè уште не пристигнала целосна биолошка експертиза. По пристигнувањето на сите докази, обвинителството ќе донесе одлука за понатамошниот тек на дејствување, пренесе Танјуг.
Регион
Возачот на автомобилот, најверојатно, влегол во погрешна лента, објави Дачиќ по тешката несреќа во Младеновац
Министерот за внатрешни работи на Србија, Ивица Дачиќ, зборуваше за тешката сообраќајна несреќа, во која беа повредени 37 лица, а се случи утринава во Младеновац и изјави дека уште еднаш апелира до учесниците во сообраќајот да бидат многу внимателни. Тој додаде дека постојат можности возачот на спортското возило да е виновен за несреќата и дека, најверојатно, влегол во погрешна лента.
Дачиќ рече дека постои сомневање оти возачот директно удрил во автобусот во Младеновац.
„Уште еднаш би сакал да апелирам до сите учесници во сообраќајот навистина да бидат многу, многу внимателни. И, еве, според пријавите што ги добив од сообраќајната полиција, сè уште се врши истрага, но се чини дека за несреќата, всушност, е виновен возачот на спортскиот автомобил и што свртел на погрешна лента и удрил во автобусот директно, лента што оди во спротивната насока“, рече министерот.
Додаде дека ова се моментите информации што ги добил од полицијата, но истрагата е во тек.
„Но уште еднаш велам, јас секогаш кога ви давам информации, морам да кажам дека тоа е информација што сега ја добивам од полицијата, дали истрагата ќе покаже така или не, не знам“, додаде тој.
Дачиќ изјави дека на патиштата во Србија веќе неколку дена се спроведува зголемена контрола на сообраќајот.
Тешката сообраќајна несреќа се случи утринава кај Младеновац, возачот на автомобилот загина на самото место, а 37 лица се повредени. Директниот судир се случил утрово во 5.40 часот.
Предниот дел од автобусот, како и патничкото возило, биле целосно згмечени, а делови биле расфрлани на целиот коловоз.
Регион
(Видео) Тешка сообраќајна несреќа кај Младеновац: автобус удри во автомобил, има загинати, над 20 лица повредени
Возачот на патничко возило загина утрово во судир со автобус во близина на Младеновац, а 30 луѓе се донесени во итниот центар, според Танјуг.
Директниот судир на автобусот и теренскиот автомобил се случил околу 5:40 на патот Мали Ватревац – Младеновац до рампата на патарината, а во несреќата учествувале и џип и автобус на линија 493.
Повредените Тсе транспортирани во ургентен центар од амбулантни возила и приватни автомобили.
Повеќето патници се со полесни повреди.
Истрагата е во тек.
Министерот за градежништво, транспортот и инфраструктурата Горан Вешиќ во посета на ТВ Прва, истакна дека добил информации дека има сообраќајна несреќа, но дека причината е сè уште непозната.