Регион
Писмо на мајка што ги загубила двете деца и сопругот во пожарот: Се обидов да стигнам до нив, но не успеав
Трогателно писмо на жителка на местото Мати во Атина ја потресе јавноста. Таа во пожарот ги загубила своите две деца, 13-годишната Евита и 11-годишниот Андреас, и сопругот Григориос. Тие скокнале од карпа висока 15 метри во морето во обид да се спасат, но, за жал, не преживеале – во водата наишле на карпи. Грчките медиуми пишуваат дека Евита била шампион во велосипедизам и била една од најголемите таленти во овој спорт.
Новинарот Бабис Папапанајоту, близок пријател на семејството Фитрос, на порталот „Скај њуз“ објавил дел од трогателното писмо на мајката што во пожарот изгубила сè.
„Се обидувам да бидам како моето девојче. Таа постојано беше силна и го докажуваше тоа на многу начини. Знам дека Григориос напаравил сè што можел за да ги спаси. Тоа што не успеал е божја волја. Го слушам слаткиот глас на Андреас: ‘Се плашам, многу сум загрижен, но не треба да доаѓаш тука мамо. Не сакам да дојдеш, сè е затворено, нема да успееш’. Се обидов да стигнам до нив, четири часа се обидував да им се приближам, но не можев. Немам зборови. Изгубив сè. Прегрнувајте ги децата секој ден“, напишала таа во писмото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.