Црна хроника
Кривична против три лица осомничени за фрлената бомба во двор во куќа во Куманово
СВР Куманово поднесе кривична пријава против три лица осомничени за фрлената бомба во двор од куќа во Куманово. Како што соопшти МВР, кривична пријава е поднесена против С.Т. (49) од Куманово поради постоење основи на сомнение за сторени кривични дела „поттикнување” во врска со „предизвикување општа опасност” и „недозволено изработување, држење, посредување и тргување со оружје или распрскувачки материи”, против И.Ш.(53) од село Оризари, општина Липково за сторено кривично дело „поттикнување” во врска со „предизвикување општа опасност” и против С.А. од село Оризари, општина Липково, поради постоење основи на сомнение за сторено кривично дело „предизвикување општа опасност“ и „недозволено изработување, држење, посредување и тргување со огнено оружје и распрскувачки материи“.
На почеток на мај 2018 година во кафе-бар во Куманово првопријавениот С.Т. побарал од второпријавениот И.Ш. да договори со трето лице, за паричен надомест од 1 000 евра, лицето да фрли експлозивна направа бомба во двор од куќата на Д.Г. од Куманово. Потоа, С.Т. на И.Ш. му ја дал експлозивната направа бомба, по што тој му ја дал на С.А., кој на 27.05.2018 година околу 3:30 часот ја фрлил во дворот од куќата на Д.Г.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Опожарен автомобил на јавен обвинител, работел на два сензитивни случаја
Во текот на ноќта засега непознати сторители опожарија автомобил на јавен обвинител од Основното јавно обвинителство Скопје.
„Интензивно се преземаат дејства за откривање на сторителите и се обезбедуваат сите докази на терен“, велат од Јавното обвинителство Скопје и додаваат:
„Првичните индиции упатуваат на можна поврзаност со фактот што јавниот обвинител постапува во два сензитивни предмета, во кои во моментот интензивно презема истражни дејства. Истражните органи работат на расчистување на настанот и на целосно утврдување на причините“.
Црна хроника
Планинар паднал на тешко пристапен терен на Бистра
Вчера во ОВР Кичево е пријавено дека В.М.(41) од Кичево при планинарење на планината Бистра, паднал во тешко пристапен терен над селото Лавчани.
На повредениот, прва помош му пружиле жители на истото село кои со коњ го пренеле до селото Лавчани, од каде бил пренесен во болницата „Св.Еразмо“ во Охрид.
Црна хроника
Сообраќајна несреќа на патот кај Виница, еден со тешки телесни повреди и пет повредени, од кои две малолетни лица
Вчера во 20.41 часот во Полициската станица Виница било пријавено дека на регионалниот пат Виница – с.Смојмирово, во близина на место викано „Пекланска крстосница“, се случила сообраќајна несреќа помеѓу патничко возило „сеат алтеа“ со беровски регистарски ознаки, управувано од С.Р.(49) од с.Црник, пехчевско и патничко возило „сузуки гранд витара“ со винички регистарски ознаки, управувано од Л.А.(53) од Виница.
Во несреќата со тешки телесни повреди се здобил возачот Л.А., а со телесни повреди се здобиле возачот С.Р. и неговите сопатници Ќ.У.(23), Ј.Г.(45) и двајца малолетници, сите од с.Црник, пехчевско, констатирани во Општата болница Кочани.
Извршен бил увид од увидна екипа од ОВР Виница.