Македонија
(Видео) Заев со повик до граѓаните: Излезете и изберете на референдумот
Го имаме денот, 30 септември, кој ќе ја означи пресвртницата во нашата историја, кога на секој од граѓаните им е дадена шанса да донесат голема одлука. Сега е време за одлука. Секој од нас е должен да ја прeземе одговорноста за својата иднина и за иднината на нашата земја. Вашиот глас е ваше право, не дозволувајте никој да ви го одземе или злоупотреби. Ве повикувам да покажете дека никој нема да ве поколеба да излезете.Излезете и изберете, рече премиерот Зоран Заев на прес-конференција во Владата,на која во присуство на сите членови на владиниот кабинет ги повика граѓаните да се изјаснат на референдумот за Договорот со Грција.
,,Резултатот и вашата волја ќе се почитува. Верувам во одлуката на граѓаните и уверен сум дека Македонија ќе стане членка на ЕУ и НАТО, а македонскиот народ вечно ќе биде македонски народ и вечно ќе зборува македонски јазик. Со вашиот глас на референдумот нема да дозволите Македонија и натаму некој да ја држи во заложништво. Опозицијата имаше десет години да направи договор, но поважно им беше да нè држат скарани со соседите, додека си играа со стiропор споменици, место да градат иднина.Нема да донесат подобар догоvор ние кои на Македонија и донесоа од лошо полошо. Бараа рефереnдум и сега срамно го напуштија парламентот и бегаат од одговорност. Ова е време за клучни одлуки, а не за бегство”, рече Заев.
Тој им се обрти и на ,,чесните” членови на ВМРО-ДПМНЕ. ,,Вам вратата ви е отворена”, им порача премиерот.
Според Заев, сите имаат обврска да направат чекор, да ја обезбедат иднината на нашата заедничка Македонија. Сега е време за храбри чекори за татковината, време за патриотски одлуки. Од денеска тргнуваме силно и никој не може да нè сопре, решителни Македонија да успее. Ве повикувам да изберете светлина и иднина, референдумот е точката во која ќе се спојат иднината на нашата држава и Европа.
Прашан што ќе се случи доколку не биде исполнет цензусот, Заев рече: ,,Не сакам ни да помислувам што доколку не биде исполнет цензусот. Тој треба за пример да го постигнеме. Ако не сега, кога. Ова е историска одлука која можат да ја донесат само граѓаните. Апелирам до нив овој одлучувачки процес да го сфатат сериозно. Не размислувам за неуспешен референдум и за непостигнат цензус. Огромно мнозинство ќе бидат ‘за’, уверен сум дека референдумот ќе биде успешен и дека ќе се исполни цензусот. ВМРО-ДПМНЕ немаат намера да повикаат на бојкот и јас се надевам дека нема да го сторат тоа. Во оваа мала Македонија дури и тајно да дадат задача за бојкот, ќе дознаеме сите”, рече Заев.
Според премиерот, ако граѓаните одлучат да останат дома, ќе ја пренесат одлуката на институциите. ,,Затоа апелирам дека одговорноста е кај сите и ќе излеземе и ќе гласаме како што мислиме дека треба, оти тоа е обврска кон татковината”.
Вчера со 68 гласа „за“ пратениците во Собранието ја донесоа одлуката за распишување референдум за името, што ќе се одржи на 30 септември. Референдумот ќе биде консултативен, а референдумското прашање ќе гласи: „Дали сте за членство во ЕУ и НАТО преку поддршка на Договорот помеѓу Република Македонија и Република Грција?“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пратеникот Јанчев кој имаше сообраќајка во која загина тинејџер доби обвинение, свртел на место каде не смеел
Основното јавно обвинителство Скопје поднесе обвинение против Сашко Јанчев, пратеник од партијата Левица, за кривично дело „Тешки дела против безбедноста на луѓето и имотот во сообраќајот“, согласно член 300 став 4, во врска со член 297 став 3 и став 1 од Кривичниот законик.
Обвинението се однесува на тешката сообраќајна несреќа што се случи на 14 септември, по полноќ, во скопското село Марино, во која животот го загуби 16-годишниот Матеј Димовски, а неговата 13-годишна сопатничка беше тешко повредена.
Според Обвинителството, по спроведена истражна постапка, обезбедени се сите релевантни докази и извршени се соодветни вештачења со кои се утврдени причините за несреќата.
Обвинетиот управувал патничко возило „Хјундаи Тусон“, при што не се придржувал до сообраќајните прописи и со своето однесување го загрозил јавниот сообраќај и безбедноста на учесниците.
„Осомничениот непрописно свртел со возилото, без претходно да се увери дека маневарот може да го изврши без да ги загрози другите учесници во сообраќајот“, наведува Обвинителството.
Во тој момент, во возилото удрил мотоцикл марка „Јијинг“, без регистарски ознаки и без вградени светлосни уреди, со кој управувал починатиот 16-годишник. Според официјалните наводи, мотоциклистот немал возачка дозвола, а ниту тој ниту неговата сопатничка не носеле заштитни кациги.
Како последица на тешките повреди здобиени во сообраќајната несреќа, малолетниот возач на мотоциклот починал, додека девојчето кое било сопатник се здобило со тешки телесни повреди.
Македонија
Скопје руши рекорди по загаденост, утрово е втор град во Европа
Според светскиот сервис IqAir Скопје утрово е на 20 место во светот, а второ во Европа по загаден воздух.
Доколку се следат податоците од апликациите кои ја мерат загаденоста на воздухот, Скопје и утрово е град со многу висока загаденост. Според светскиот сервис IqAir Скопје утрово е на 20 место во светот, а второ во Европа по загаден воздух.
Најзагаден воздух утрово дишат жителите на населбата Илинден.
Министерството за животна средина алармираше дека е надминат прагот на алармирање. Загадувањето во Скопје е децениски проблем особено во зимскиот период и времетраењето на грејната сезона.
Македонија
Студено утро со измерени -5 степени во Берово
Најстудено изутринава е во Берово, каде се измерени – 5 степени, по што следуваат Битола и Струмица, -4, Скопје-Петровец и Штип, – 3, Демир Капија, Велес и Куманово, – 2. Во Тетово, Скопје-Зајчев Рид, Кавадарци, Гевгелија, Прилеп, Mаврови Анови и Претор температура од – 1, Крива Паланка, Попова Шапка, 0, Охрид, 1, Виница и Kрушево 2, информира Управата за хидрометоролошки работи (УХМР).
Времето денеска ќе биде променливо облачно со сончеви периоди. Претпладне по одделни котлини ќе има појава на магла. Ќе дува слаб ветер од југоисточен правец. Максималната температура ќе биде во интервал од 6 до 13 степени.
Во Скопје, променливо облачно и тивко со појава на магла. Максималната температура ќе достигне до 7 степени.
УХМР најави дека до вторник ќе се задржи стабилно и претежно тивко време. По одделни котлини ќе има појава на магла и зголемена облачност. Од вторник кон крајот на денот и во следните денови ќе има повремени локални врнежи од дожд. На планините и на повисоките места врнежите ќе бидат од снег.

