Регион
„Дојче веле“: Хрватската полиција ги тероризира бегалците
Сè поголем е бројот на сведоштва за тепањето на полицијата, грабежите и протерувањето на бегалците од Хрватска, пишува „Дојче веле”.
Хрватското Министерство за внатрешни работи, како што се наведува, официјално го негира тоа, а новинарите се жалат дека не им е дозволено правилно да известуваат за настаните на границата.
Односот меѓу хрватската полиција и медиумите во врска со прашањето за третманот на бегалците при незаконското преминување на државната граница продолжува да се интензивира. Иако сведочењата на бројни бегалци ја потврдија ескалацијата на полициското насилство од 2016 година, тоа сè уште официјално не е потврдено од МВР.
Најновиот случај беше реакцијата на претставниците на синдикатите во хрватската полиција, наведувајќи дека медиумите создаваат погрешна слика, вели „Дојче веле”.
Реакцијата одекна кога од Здружението на хрватските новинари (ХНД) кажаа дека „медиумите не треба да пишуваат убаво”, како што им сугерираат полициските синдикалисти, туку во согласност со правилата на професијата.
Во последните две години редица бегалци и хуманитарни организации се сведоци за суровиот третман, тепањата, па дури и грабежите на бегалците во близина на границата со Србија, Босна и Црна Гора.
Новинарите продолжуваат да се жалат бидејќи полицијата им ги ускратува информациите, но не само ним. За тоа најдобро сведочи исклучувањето на народниот правобранител од процесот на дознавањето на вистината во врска со третманот на бегалците.
Новинарот Борис Павелиќ од „Нови лист” го повика МВР да им дозволи на новинарите да присуствуваат на границата и да патролираат со полицијата.
Претседателот на Хрватското новинарско друштво, Хрвоје Зовко, смета дека решението за односот меѓу државата и бегалците е во рацете на државните институции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Фото) Почна со работа новата автобуска станица во Белград: тргнаа првите автобуси
Новата главна белградска автобуска станица во блок 42 во Нов Белград започна со работа во текот на ноќта. Последниот автобус од старата локација тргна на 50 минути по полноќ за Љубљана.
Првиот автобус од новата главна белградска станица во блок 42, кој свечено беше отворен во петокот, тргна во 3 часот и 50 минути за Суботица.
Градската власт најави дека наскоро ќе биде објавен тендер за изградба на зградата на станицата, бидејќи сегашната зграда е привремена, јавува РТС.
Се очекува автобуската постојка „Југ“ кај Автокоманда да биде завршена за два до три месеци.
Наскоро, според најавите, ќе почне да се реновира делот од градот во кој се наоѓаше БАС претходните 58 години.
Новата локација на автобуската станица се наоѓа на неколку минути од станицата за јавен превоз со линии кои водат до аеродромот „Никола Тесла“.
Граѓаните до новата станица, покрај со сопствен превоз, ќе можат да стигнат и со трамвај, автобус или БГ воз.
Градски транспортни линии до новата автобуска станица
Трамвајски линии:
– од Устаничка – 7
– од Бањица – 9
– од Калемегдан (од Дорќол) – 11
– од Баново брдо – 13
Автобуски линии:
– од Зелени венац – 60, 60л, 67
– од Баново брдо –85
– од Видиковац – 89
– од Бежаније – 93
– од блок 45 – 94 и 95
– од Централната железничка станица во Белград до аеродромот „Никола Тесла“ – 600
– од споменикот на Вук до населбата Белвил – ЕКО 1.
Што беше изградено?
Има 65 платформи, 12 платформи за пристигнување и 53 за поаѓање. Платформите за поаѓање се распоредени така што 8 се резервирани за приградски сообраќај, 14 за меѓународен, 22 за меѓуградски и 9 за офлајн туристички сообраќај. Изграден е подготвителен паркинг за автобуси со 80 места, како и паркинг за патници со 186 места, од кои 89 се наменети за патници кои пристигнуваат, додека 97 места се резервирани за патници кои заминуваат. Во рамките на платото на станицата ќе има и такси станица со 25 места.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024