Спорт
Челси ќе го заменат Куртоа со Кепа, Ковачиќ доаѓа како позајмен фудбалер
Челси уште не заврши со трансферите ова лето, откако очекува две големи засилувања во ерата на Маурицио Сари – голманот Кепа Аризабалага, како и Хрватот Матео Ковачиќ.
„Сините“ се подготвени да ја платат откупната клаузула од 80 милиони евра за голмано…
Челси уште не заврши со трансферите ова лето, откако очекува две големи засилувања во ерата на Маурицио Сари – голманот Кепа Аризабалага, како и Хрватот Матео Ковачиќ.
„Сините“ се подготвени да ја платат откупната клаузула од 80 милиони евра за голманот на Атлетик Билбао, откако баскискиот клуб потврди дека нема да разгледува опции за продажба на голманот со кого оваа година го продолжија договорот. Оваа сума ќе биде рекордна за Челси, и поголема од трансферот на Алваро Мората, за кого платија 58 милиони фунти од Реал Мадрид, а во исто време Кепа ќе стане најскапиот голман на светот, пред Алисон Бекер, за кого Ливерпул платија 73 милиони евра на Рома.
Ова доаѓа откако е јасно дека Тибо Куртоа ќе замине од клубот откако реши да не се појавува на тренинзите на клубот. Реал би платиле 35 милиони евра за него.
Како дел за договорот на Куртоа, може да се склучи и договорот за позајмица на Матео Ковачиќ, смета шпанска „Марка“, бидејќи кралскиот клуб реши да се помири со ситуацијата дека Хрватот не сака да игра за нив, и покрај ветувањата на новиот тренер, Хулен Лопетеги дека ќе добие повеќе шанси во новата сезона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Грилиш постигна гол по 392 дена, Сити го декласира Салфорд
Манчестер сити доминантно избори пласман во четвртото коло во ФА купот. „Граѓаните“ со 8:0 го победија Салфорд, клуб чии газди се Рајан Гигс, Гери и Фил Невил, Пол Сколс и Ники Бат.
Се започна со голот на Џереми Доку во осмата минута, на асистенција на Џек Грилиш.
Во 20. минута погоди дебитантот Дивајн Мубама, а младиот Нико О’Рајли во 43. минута го постигна третиот гол.
Грилиш, во вториот дел реализираше пенал, тоа е негов прв гол (во кое било натпреварување) од 16 декември 2023 година, кога постигна гол против Кристал Палас. Од тој натпревар поминаа 392 дена.
Манчестер сити има постигнато осум или повеќе голови на еден натпревар од ФА Купот за прв пат во 92 години. Џејмс Мекати е првиот Англичанец кој постигнал хет-трик во ФА Купот за Сити по Роби Фаулер во 2006 година.
Спорт
Интер подготвува трансфер кој ќе го стресе Милано
Италијанскиот шампион Интер подготвува трансфер кој ќе го стресе градот Милано. „Нероаѕурите“ се насочени кон голманот на Пари Сен Жермен и Италија, Џанлуиџи Донарума.
Интер е во потрага по замена за Швајцарецот Јан Зомер кој има 36 години, мета е најдобриот италијански голман.
Донарума има договор со Пари Сен Жермен до летото 2026 година, но неговиот статус на „Паркот на принцовите“ не е најдобар во последно време и се чини дека францускиот шампион сака да го продаде.
Тренерот Луис Енрике не е задоволен од Донарума, па во вториот дел од сезоната голот на „светците“ го бранеше Русинот Матвеј Сафонов.
Според експертот за трансфери Џанлука Ди Марцио, Интер веќе имал првични разговори со Донарума.
Доколку Донарума навистина одлучи да го облече дресот на Интер, тоа сигурно дополнително ќе ги налути навивачите на неговиот матичен клуб Милан, кои се уште не му простиле што го напушти клубот како слободен играч во 2021 година.
На секој натпревар на италијанската репрезентација во Милано, Донарума е исвиркан од навивачите на Милан, а евентуалниот трансфер само дополнително ќе го влоши работите.
Спорт
(Видео) Кејн погоди за победа на Баерн во Менхенгладбах
Баерн Минхен ја забележа 12-та победа во Бундеслигата оваа сезона, откако во Менхенгладбах ја победи Борусија со 1-0.
Моментот кој го реши дуелот се случи во 68. минута кога Хари Кејн беше прецизен од 11 метри.
Пеналот за Баерн беше досуден откако Лукас Улрих го фаулираше Мајкл Олисе. Кејн го постигна својот прв гол во ноември, откако во декември не играше месец поради повреда. За Англичанецот ова беше 15.гол сезонава во Бундеслигата.
Баерн има четири бода повеќе од актуелниот шампион Баер Леверкузен на врвот на табелата.
Борусија моментално е на десеттото место.