Спорт
Ефимова со второ злато и трет медал во Глазгов! (видео)
Русинката Јулија Ефимова стигна до третиот медал и второ индивидуално злато на Европското првенство во пливање, откако триумфираше на 200 метри градно со убедлива предност од над секунда и пол пред Шпанката Џесика Ваљ Монтеро.
26-годишната Ефимова, ко…


Русинката Јулија Ефимова стигна до третиот медал и второ индивидуално злато на Европското првенство во пливање, откако триумфираше на 200 метри градно со убедлива предност од над секунда и пол пред Шпанката Џесика Ваљ Монтеро.
26-годишната Ефимова, која претходно победи и на трката на 100 метри градно, а освои и бронза како дел од руската „мешана“ машко-женска штафета на 4х100 слободно, е во одлична форма во Глазгов, каде што не наиде на најдобар прием на публиката, која смета дека таа заслужува доживотна суспензија поради допинг-прекршоците.
Ефимова во јануари 2014 беше позитивна на стероидот ДХЕА и доби 16-месечна суспензија, и загуби два светски рекорди. Кога се врати на спортот во 2016, таа беше позитивна на контроверзното средство мелдониум (на кое беше позитивна и Марија Шарапова), кое што само што беше ставено на листата на недозволени средства. ФИНА официјално застана во одбрана на Русинката тврдејќи дека „немало намера за допингување“.
It is bronze for Molly Renshaw in the 200m breaststroke! ? pic.twitter.com/WhVyLgBBjp
— Eurosport UK (@Eurosport_UK) August 7, 2018
Нејзината сонародничка, Анастасија Фесикова освои злато на 100 метри грбно, победувајќи ја Британката Џорџија Дејвис, која претходно ја победи на 50 метри грбно. Времето на Фесикова беше 59.19 и со неа стигнува до својата втора европска титула, 10 години по првата во 2008 година (кога беше позната по своето моминско презиме Зуева).
Домаќините, сепак, се радуваа во трката на 200 метри слободно во машка категорија, откако Данкан Скот од осмата лента ги победи фаворитите со време од 1:45.34, пред Литванецот Данас Рапсис и Русинот Михаил Довгаљук.
Duncan Scott takes a hugely impressive gold in the 200m Freestyle! ? #EC2018 #Glasgow2018 pic.twitter.com/YrCqPNN7lD
— Eurosport UK (@Eurosport_UK) August 7, 2018
ЕП ПЛИВАЊЕ, ГЛАЗГОВ
1.500 М СЛОБОДНО (Ж)
1.Симона Квадареља (Ита) 15:51.61
2.Сара Келер (Гер) 15:57.85
3.Ајна Кесељ (Унг) 16:03.22
50 М ПЕПЕРУТКА (М)
1.Андриј Говоров (Укр) 22.48
2.Бенџамин Прауд (Бри) 22.78
3.Олег Костин (Рус) 22.97
100 М ГРБНО (Ж)
1.Анастасија Фесикова (Рус) 59.19
2.Џорџија Дејвис (Бри) 59.36
3.Карлота Цофкова (Ита) 59.61
200 М ГРАДНО (Ж)
1.Јулија Ефимова (Рус) 2:21.31
2.Џесика Ваљ Монтеро (Шпа) 2:23.02
3.Моли Реншоу (Бри) 2:23.43
200 М СЛОБОДНО (М)
1.Данкан Скот (Бри) 1:45.34
2.Данас Рапсис (Лит) 1:46.07
3.Михаил Довгаљук (Рус) 1:46.15
4х200 М СЛОБОДНО (Ж)
1.Велика Британија 7:51.65
2.Русија 7:52.87
3.Германија 7:53.76
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Македонските едриличари настапуваат на Балканското првенство во Несебар

Едриличарската Федерација на Македонија ќе ја претставува нашата земја на 53-тото Балканско првенство во едрење за олимписки класи и Оптимист, што ќе се одржи во Несебар, Бугарија.
Настанот, во организација на Бугарската едриличарска федерација и Општина Несебар, ќе ги собере најдобрите едриличари од балканските земји кои ќе се натпреваруваат во класите Optimist, ILCA 4, ILCA 6 и Finn.
Натпреварите ќе се одвиваат од 17-ти до 19-ти Октомври, планирано е одржување на максимум девет трки во секоја класа, а завршната церемонија и доделувањето на медалите ќе се одржат на 19 октомври.
„Балканското првенство е еден од позначајните настани за нашиот спорт и претставува можност македонските едриличари да ги измерaт своите сили со најдобрите од регионот во конкуренција на голем број светски и европски прваци. Нашата репрезентација се состои од вкупно 13 натпреварувачи во машка и женска конкуренција, како во младинска така и во сениорска конкуренција. Нашата цел е преку вакви настапи да им овозможиме континуиран развој, искуство и меѓународна афирмација“ изјавија од Едриличарската Федерација на Македонија.
Балканското првенство е дел од официјалниот календар на европски и регионални регати, дел од календарот на Светската едриличарска федерација и претставува важен чекор во развојот на младите таленти и афирмацијата на олимписките дисциплини.
Со ова учество, Едриличарската федерација на Македонија го продолжува континуитетот на активно претставување на меѓународната сцена, после Светското Првенство во Словенија и Европоското Првенство во Полска, а со цел унапредување на спортот едрење и промоција на македонските спортисти и нашата земја.
Спорт
Ламин Јамал почна да наплаќа за автограм

Ламин Јамал без конкуренција е првата ѕвезда на шпанскиот фудбал, но не се труди многу да ги избегне светлата на големата сцена и реакциите на јавноста.
Јамал се најде во центарот на вниманието со одлуката дека повеќе нема да дава автограми на деца, освен ако не платат за тоа.
Иако и самиот се уште е момче, 18-годишен тинејџер, под изговор на капитализам и најголем можен профит, реши да ангажира специјализирана страница за колекционери преку која ќе го продава својот потпис.
Тој доби понуда, објавува „Мундо Депортиво“, која ја прифати и ништо повеќе нема да биде бесплатно кај него.
Уште повеќе, тој дури нема да дава премногу автограми, бидејќи колку помалку има, толку се повредни и поскапи.
Ова не е ново во светото на спортот, ново е во Европа. Леброн Џејмс и Лионел Меси го прават тоа во САД.
Наводно, ѕвездата на ЛА Лејкерс, Џејмс, од еден продаден автограм за работува и до 15.000 долар
Спорт
(Видео) Манасков го постигна голот на колото во ЛШ

Поранешниот македонски репрезентативец, Дејан Манасков, го постигна најубавиот гол во петтото коло, во Лигата на шампионите.
Еурофарм Пелистер, во средата загуби од Барселона во Битола со 30:34. Манасков голот на колото го постигна во последната минута. Тоа беше цепелин, додавање од голманот Митревски, а левото крило на Еурофарм Пелистер погоди од невозможен агол.
Foto/ facebook.com/hceurofarmpelister
🔥 𝙏𝙊𝙋 5 𝙂𝙊𝘼𝙇𝙎 – Round 5 powered by Gorenje!
1️⃣ Dejan Manaskov – HC Eurofarm Pelister
2️⃣ Mathias Gidsel – Füchse Berlin
3️⃣ Martim Costa – Sporting Clube de Portugal
4️⃣ Lazar Kukic – OTP Bank-PICK Szeged
5️⃣ Felix Claar – SC Magdeburg#ehfcl #CLM #handball pic.twitter.com/ZVZpxxXnmg— EHF Champions League (@ehfcl) October 17, 2025