Македонија
Приведен Стевче Јакимовски
По синоќешниот претрес во домовите на ексградоначалникот на Карпош Стевче Јакимовски, тој е приведен. Тој останува во полициска станица сè додека не биде изведен пред судија на претходна постапка.
„Половина час пред полноќ Стевчо Јакимовски е лишен од слобода и во следните 24 часа мора да биде изведен пред судија на претходна постапка, во меѓувреме ќе биде во полициската станица. Основно сомневање е во делот на злоупотреба на службената положба во делот на три јавни набавки. Очекуваме да бидеме повикани пред судија на претходна постапка, а до тогаш Јакимовски останува во притвор. Во делот на тоа какви докази има, тоа ќе видиме. Врз основа на сите разговори и докази со кои располагаме, сметаме дека нема никаков доказ. Јакимовски беше и остана еден од најдобрите градоначалници во историјата на Република Македонија“, изјави синоќа Виктор Цветковски, адвокат на Стевче Јакимовски, според кого се бара притвор за ексградоначалникот.
Претресот во домовите на Јакимовски траеше повеќе од 4 часа, а се вршеше по налог на финансиската полиција, која се сомнева дека ексградоначалникот направил злоутреби во однос на три тендери, од кои два за општинските бараки, а еден за плоштад во Жданец.
Јакимовски тврди дека овие обвинувања не можат да бидат насочени против него, бидејќи работите за кои го сомничат ги вршат општинските служби.
Денес судот треба да одлучи какви мерки на претпазливост ќе изрече за ексградоначалникот Стевче Јакимовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.