Спорт
Роналдо: Како дете сонував дека играм за Јувентус
Кристијано Роналдо вели дека како дете сонувал да игра за Јувентус, дека се чувствувал „неверојатно“ по овациите кои лани ги доби во Торино и посочи дека веќе ужива во семејната атмосфера.
Португалската ѕвезда на преодниот рок во ексклузивно интервју з…
Кристијано Роналдо вели дека како дете сонувал да игра за Јувентус, дека се чувствувал „неверојатно“ по овациите кои лани ги доби во Торино и посочи дека веќе ужива во семејната атмосфера.
Португалската ѕвезда на преодниот рок во ексклузивно интервју за „Јувентус ТВ“ зборуваше за трансферот од Реал за 100 милиони евра (плус бонуси) и почетокот со „старата дама“.
„Се чувствувам фантастично. Сѐ е добро, луѓето околу стадионот, фановите, луѓето во тренинг-центарот. Среќен сум што сум тука. Зошто го избрав Јувентус? Прво бидејќи е голем клуб. Кога бев дете го гледав Јувентус и си велев еден ден ќе бидам таму. Сега сум во овој фантастичен клуб. Немаше прецизен момент кога одлучив да дојдам. Неколку пати играв против Јуве во кариерата и имав чувство дека италијанските фанови го сакаат Кристијано. Одлуката беше многу лесна“, вели Роналдо.
Минатата сезона, кога Реал Мадрид победи со 3:0 во првиот меч од четврт-финалето на Лигата на шампиони, Роналдо постигна еден од најубавите голови во историјата на ЛШ, и доби аплаузи од ривалските навивачи.
„Неверојатно, такво нешто не ми се случило никогаш. Во ЛШ против Јуве, постигнуваш гол и гледаш како сите ти аплаудираат. Чувството беше магично. Бев изненаден, и оттогаш уште повеќе ги засакав навивачите. Не би кажал дека тоа беше клучниот момент, но такви детали помагаат. Убаво е да видиш дека навивачите те ценат. Сакам да бидам во добра форма, да помогнам на клубот и да освојувам титули“, додава Португалецот.
33-годишниот Роналдо по настапите во Премиер лигата и Ла лига, ќе има шанси да го вкуси и италијанскиот фудбал.
„Ја знам лигата, бидејќи ја следев на ТВ, но немам играно тука. Се надевам на брза адаптација. Професионален фудбалер сум 15-16 години, така што методот е ист. Ова е нова авантура, но работната етика останува иста“, завршува Роналдо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Квалификант го победи Циципас на Мастерсот во Мадрид
Победникот на Мастерсот во Монте Карло и минатонеделниот финалист во Барселона, Стефанос Циципас, доживеа шокантна елиминација на Мастерсот во во Мадрид.
Гркот, во второто коло доживеа пораз од 118. играч на АТП листата, Бразилецот Чиаго Монтеиро со 6:4, 6:4. Мечот во центарот на Каха Махика траеше 97 минути.
Еден брејк му беше доволен на Монтеиро да го добие првиот сет, до него дојде во третиот гем.
Со исклучок на вториот гем, Монтеиро испушти само еден поен на свој сервис.
Сигурно сервираше и во вториот сет, а веднаш на почетокот направи брејк и поведе со 2:0.
На 5:3 имаше две меч топки на сервис на Циципас, но не ги искористи, а го реши мечот со сигурни сервиси кога ја искористи четвртата меч топка. Бразилецот на свој сервис освои 89 отсто од поени.
Во третото коло Монтеиро ќе игра против Јиржи Лехечка, кој со 7:5, 6:4 го победи Хамад Меѓедовиќ.
The PERFECT match 💫
Making 89% of his first serves (!), @dThiagoMonteiro stuns Tsitsipas 6-4 6-4 for the greatest (completed) ATP win of his career!#MMOpen pic.twitter.com/kUHUoPvUzj
— Tennis TV (@TennisTV) April 27, 2024
Спорт
Конте ќе го предводи Наполи
Наполи во сезоната 2024/2025 ќе влезе со нов тренер. РАИ објави дека Антонио Конте договорил тригодипна соработка. Наскоро трансферот ќе биде и официјално објавен.
РАИ, пишува дека Конте ќе работи за плата од 6.500.000 по сезона. Се потецира дека Конте ќе добие големи властувања, односно тој ќе го има главниот збор кога се во прашање трансферите.
Наполи има турбулентна сезона во која, претседателот Аурелио Де Лаурентис смени тројца тренери и веќе во првата третина од сезоната беше јасно дека нема да го бранат Скудетото.
Започна со Руди Гарсија, а потоа тимот го предводеа Валтер Мацари и Франческо Калцона, кои ќе ја завршат оваа сезона.
Последниот ангажман на Конте во Италија беше на клупата на Интер, со кој ја освои титулата во 2021 година. По Интер, тој го водеше Тотенхем, се раздели со него во март минатата година и оттогаш е без работа.
Во кариерата ги водеше и Челзи, Јувентус, Сиена, Аталанта, Бари и италијанската репрезентација.
Спорт
Баерн наредната недела ќе реши кој ќе биде наследникот на Тухел
Почесниот претседател на Баерн Минхен, Ули Хенес изјави дека очекува клубот да донесе одлука за нов тренер во рок од една недела.
Баерн во февруари објави дека тренерот Томас Тухел ќе го напушти клубот на крајот на сезоната, една година пред истекот на неговиот договор, поради незадоволителни резултати.
„Мислам дека ќе донесеме одлука за една недела“, изјави Хенес за „Франкфуртер алгемајне цајтунг“.
Откако беше објавено дека 50-годишниот тренер ќе го напушти клубот, Баерн се обиде да ги доведе тренерот на Баер Леверкузен Чаби Алонсо и селекторот на Германија, Јулијан Нагелсман, кои одлучија да останат со своите тимови.
Се шпекулира дека Баерн преговара со селекторот на Австрија, Ралф Рангник.
Баерн оваа сезона не успеа да ја одбрани шампионската титула во Бундеслигата, но ќе има можност да се бори за трофејот во Лигата на шампионите, противник во полуфиналњто ќе му биде Реал Мадрид.