Спорт
ПЛ: Челси почна да игра „Сари-бол“ и стигна до првата победа (видео)
Челси стигна до рутинска 3:0 победа на гостувањето на Хадерсфилд за отварање на новата сезона во Премиер лигата и почетокот на „саризмо“, фудбалската филозофија на нивниот нов менаџер, Маурицио Сари.
Н’Голо Канте, новото засилување Жоржињо и Педро пост…
Челси стигна до рутинска 3:0 победа на гостувањето на Хадерсфилд за отварање на новата сезона во Премиер лигата и почетокот на „саризмо“, фудбалската филозофија на нивниот нов менаџер, Маурицио Сари.
Н’Голо Канте, новото засилување Жоржињо и Педро постигнаа по еден гол за рутинска победа на „сините“ на стартот на новата сезона, која исто така го одбележа и дебито на најскапиот голман на светот, Кепа Аризабалага на голот на Челси.
Campaign is underway for Chelsea & #Sarri! Here are a few combinations used to play out of pressure, which eventually leads to an advantageous area to seize. Note the importance of David Luiz action; don’t just clear it! Great to see this football in PL!pic.twitter.com/5qqjaDwCal
— coachdogge (@coachdogge) August 11, 2018
Фулам, пак, и покрај огромниот број на засилувања во преодниот рок, доби потсетување колку ќе биде тешко да се опстане во Премиер лигата во која се вратија оваа сезона, при домашниот 0:2 пораз од Кристал палас, клуб кој лани едвај се спаси од испаѓање. Џефри Шлуп и Вилфрид Заха беа стрелци за Палас.
Бурнемаут со 2:0 го совлада тимот на Кардиф, додека Ватфорд со 2:0 го победи Брајтон по двата гола на Роберто Переира.
ПРЕМИЕР ЛИГА, 1.КОЛО
Бурнемаут – Кардиф 2:0
Фулам – Кристал палас 0:2
Хадерсфилд – Челси 0:3
Ватфорд – Брајтон 2:0
ХАДЕРСФИЛД – ЧЕЛСИ
ФУЛАМ – КРИСТАЛ ПАЛАС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.