Македонија
Шилегов во дводневна посета на Нирнберг
Нирнбeрг викендов го организира 14. безграничен фестивал на збратимени градови на кој се претстави и Град Скопје.
Градоначалникот Петре Шилегов во рамките на фестивалот имаше свое обраќање, а исто така отвори и изложба во рамките на фестивалот.
„Ми претставува чест и задоволство да ја предводам делегацијата на Град Скопје на овој меѓународен фестивал на збратимени градови, тука во збратимениот град Нирнберг. Верувам дека ќе се согласите дека збратимувањето на градовите е од особена важност за интензивирање на соработката и развивање партнерски однос на многу полиња. Најважната придобивка е спојувањето и негувањето на различностите“, изјави Шилегов.
Тој нагласи и дека соработката со пријателскиот град Нирнберг е навистина одличен пример за тоа како два збратимени града може многу успешно да соработуваат во многу области.
Ги потенцира активностите на двата града во соработката и размената на искуства на полето на културата, младинската и спортската размена, а ги најави и активностите во правец на развивање на соработката во областа за заштита на животната средина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.