Регион
Неколку хотели во Црна Гора останаа без ѕвездички
Неколку црногорски хотели сезонава останаа без ѕвездички, односно добија пониска категорија бидејќи Комисијата за категоризација утврди дека не ги исполнуваат стандардите за претходно доделената категорија.
Од Министерството за одржлив развој и туризам не соопштија за кои хотели станува збор, но предупредија дека при постапката за рекатегоризација, доколку се утврди дека објектот не ги исполнува стандардите на претходно доделената категорија, ќе му бидат одземени ѕвездички.
„Оваа сезона имаше неколку ситуации каде Комисијата на одредени хотели наместо четири ѕвездички, им додели три. Потребно е да се одржува постоечкото ниво, но и да се работи на унапредување на квалитетот и услугите на хотелските објекти“, велат од црногорското Министерство.
На почетокот на годината стапи на сила новиот Закон за туризам и угостителство, врз основа на којшто беше донесен нов правилник на условите и категоризацијата на угостителските објекти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.
Регион
Обвинителството бара продолжување на притворот на осомничените за убиството на двегодишната Данка
Вишото јавно обвинителство во Заечар му предложило на судот продолжување на притворот на Срѓан Ј. и Дејан Д., осомничени за убиството на двегодишното девојче Данка Илиќ за уште 30 дена.
Осомничените се во притвор од 6 април поради ризик од бегство, можност за влијание врз сведоци и уништување или отстранување на трагите на делото, како и вознемирување на јавноста.
Во притвор е и таткото на Дејан Д. под сомнение дека му помогнал на синот да го премести телото на девојчето.
Полицијата по 10-дневна потрага и детална проверка на сите трагови и информации, ги уапси С.Ј и Д.Д. за кои се сомнева дека девојчето го удриле со автомобил а пото нејзиното тело го ставиле во багажникот на колата и го однеле на депонија.
Телото на девојчето кое исчезна на 26 март во Бањско Поље кај Бор се уште не е пронајдено.
Регион
Црна Гора воведува седумчасовно работно време
Министерката за труд и социјална грижа на Црна Гора, Наида Нишиќ, најави дека до крајот на годинава граѓаните можат да очекуваат воведување седумчасовно работно време.
-Она што го најави премиерот Милојко Спајиќ во предизборната кампања ќе се случи во текот на оваа година, рече Нишиќ во емисијата „Линк” на Радио Црна Гора.
Таа додаде дека социјалните давачки во иднина ќе бидат поправични.