Свет
Поранешниот адвокат призна: Јас и Трамп им плативме на порноактерката и манекенката да молчат
Поранешниот долгогодишен личен адвокат на американскиот претседател Доналд Трамп, Мајкл Коен, се изјасни за виновен за кршење на законот за финансирање кампања и други обвинувања, наведувајќи дека заедно со шефот на Белата куќа организирале исплата на пари на порноактерката и на манекенката од „Плејбој“ за да извршат влијание на претседателските избори во 2016 година.
Коен постигнал спогодба со федералните обвинители и призна вина по осум кривични дела, меѓу кои и за влијание и давање лажни изјави на финансиската институција.
Тој би можел да добие четири до пет години затвор, а казната ќе му биде изречена на 12 декември.
Коен не ги именувал двете жени на кои им биле исплатени пари за да молчат за нивниот однос со Трамп, а не го именувал ниту претседателот на САД, наместо тоа рекол дека соработувал со неименуван кандидат. Сепак, исплатените износи и датуми се поклопуваат со исплатите на порноактерката Сторми Дениелс и манекенката од „Плејбој“, Карен Мегдугал.
Поранешниот адвокат на Трамп рекол дека првата исплата била во координација и по наредба на кандидатот за федерална функција, а дека другата исплата била по наредба на истиот кандидат.
И додека се случуваа двата судски процеси, Тарамп се качи на претседателскиот авион, на пат на собир во Западна Вирџинија, а притоа ги игнорирал дофрлените прашања од новинарите за Коен и Манафорт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Украина работи на развој на нови видови воздушна одбрана
Украинскиот претседател Володимир Зеленски денеска изјави дека Украина работи на развој на нови видови воздушна одбрана за да се спротивстави на, како што рече, новите ризици откако Русија искористи нова ракета со среден дострел.
Зеленски во своето ноќно видео обраќање рече дека потегот на Русија бара сериозен одговор за да се спречи, како што наведе, рускиот претседател Владимир Путин да ја прошири војната и да ги почувствува вистинските последици од неговите постапки.
Путин во четвртокот рече дека Русија, како одговор на нападите на американските и британските ракети со долг дострел, истрела нова балистичка ракета со среден дострел „Орешник“ на украинска територија, на која современите системи немаат начин да се спротивстават.
Свет
САД: Северна Кореја е подготвена за можна седма нуклеарна проба
Соединетите Американски Држави веруваат дека Северна Кореја е подготвена за можна седма нуклеарна проба, за која само се чека политичка одлука, изјави денеска заменик-помошникот државен секретар за контрола на вооружувањето.
Се додава дека САД и нивните сојузници брзо и одлучно ќе одговорат на евентуалниот нуклеарен напад на Северна Кореја врз Јужна Кореја.
Предупреди дека уште една нуклеарна проба од Северна Кореја ќе ги ескалира регионалните тензии и ќе претставува „безбедносен ризик за целиот свет“, објави Јонхап.
Свет
Мелони: Налогот за апсење на Нетанјаху ќе биде тема на Г7, Израел и терористите не се исто
Италија планира да го разгледа налогот на Меѓународниот кривичен суд (МКС) за апсење на израелскиот премиер Бенјамин Нетанјаху на претстојниот состанок на групата Г7, изјави италијанската премиерка Џорџа Мелони.
„Оваа влада останува цврста на една работа: одговорноста на државата Израел и терористичката организација Хамас не може да се поистоветува“, се вели во изјавата на премиерката Мелони, која рече дека ќе ги испита мотивите на судот.
Италија, која во моментов претседава со групата Г7, во понеделник ќе биде домаќин на министрите за надворешни работи во Фиуџи, град во близина на Рим.
Во четвртокот, МКС издаде налози за апсење на Нетанјаху и неодамна сменетиот израелскиот министер за одбрана Јоав Галант за наводни воени злосторства и злосторства против човештвото во Газа.
Сојузниците на Израел ја критикуваа одлуката. Генерално, од земјите-членки на МКС се бара да спроведат налози за апсење, иако меѓу тие држави постои несогласување за тоа како да се однесуваат со Нетанјаху. Унгарија веќе соопшти дека има намера да го игнорира налогот за апсење.