Свет
Филипински свештеник стравува за својот живот бидејќи го критикува претседателот
Католичкиот свештеник Амадо Пикарда, еден од првите критичари на бруталното пресметување со зависниците од дрога од страна на филипинскиот претседател Родриго Дутерте, стравува за својот живот поради што се скрил.
Пикарда рече дека оди на безбедна локација, која е далеку од очите на јавноста, кога работниците во католичкиот манастир што го посетил во централниот град Себ пријавиле дека виделе мотоциклисти што го набљудувале манастирот, како и една двојка што се распрашувала за неговото престојувалиште, според агенцијата АП.
Пикарда помогна во документирањето на убиствата за потребите на судот за време на периодот кога Дутерте беше градоначалник.
Свештеникот рече дека ќе продолжи да ги критикува убиствата и дека е подготвен да сведочи ако тоа од него го бара Меѓународниот кривичен суд, каде што се разгледува тужбата на Дутерте.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.